976 orator crucifixus Tantum Landelino profuit vivo ad inferos descendisse et balneum sceleratis paratum non frustra, licet in somnis, oculis mentis perlustrasse. Verum ego hic nolo quenquam horrore cruciatuum aeternorum ad bonam frugem revocare: sit unicuique potius hanc ad rem stimulo ardentissima Filii Dei sitis, qua vehementissime animarum nostrarum salutem nunquam non sitit; quam explicatissime huius rei gratia propono. Rogo te, qui legere dignaris hunc discursum: ut si te gratia Dei provexit ad excelsum pefectionis gradum, magis adhuc Deo placere coneris: sin per amorem rerum creatarum procul a Creatore tuo elongasti, “Verte gradum”, obsecro, “non est bona semita, verte; Hac, periere omnes, quotquot iere via”114. Verte gradum, et sitienti Iesu conversionis tuae calicem opta tissimum propina. Emendatissimus ille Regum lapsorum David, prout sacri fasti memorant115, latenti sibi metu persecutorum in spelunca Odollam excitari sensit ingentem appetitum limpidissimi fontis, ad paternae Bethlehem portam cristallino liquore homines ad se rapientis, at eo temporis ab hostibus Azophilis circumsessi. Itaque non dissimulans, quod erat, coram suis commilitonibus in haec verba [f3r] exclamavit: “O si quis mihi daret potum aquae de cisterna, quae est in Bethlehem iuxta portam!” (2 Reg 23[, 15]). Admirari quispiam possit Regis huius non minus fortissimi, quam sanctissimi tam exiguam mortificationem, tam vero gravem sensu alitatem minime dissimulatam, ob quam tres Heroes fortissimos exercitus sui, qui satisfacturi palato eius per medios hostium cuneos ad cisternam penetrarant, in apertissimum discrimen coniecit: simulque reprehendere Davidem, quod cum esset bellator veteranus, eo loci se cum exercitu posuerit, ubi rei pernecessariae, nempe aquae, penuria laborandum erat. Verum ego magnum hic mysterium deprehendo. David enim iustissimus, typus erat mundi Servatoris. Quod inter alios Patres 114 Est probabiliter allegatio ex ignoto nobis opere alicuius poetae. 115 Cf. 1 Par 11, 15-19.
RkJQdWJsaXNoZXIy MjI2Mw==