975 verbum v Oratoris Crucifixi Verbum V Sitio (Io 19[, 28]) Sitim animarum, qua Christus torquetur, earundem conversioni maxime conducere Narrat Surius, celebris prorsus e Carthusiana familia scriptor111, Landelinum quendam e prima Gallorum nobilitate iuvenem cog- natorum pessimis conatibus a religiosae vitae proposito retractum, permissis aetati fervescenti licentiaeque fraenis, praedonum tandem societatem inivisse. Quorum deinde factus antesignanus, cum quadam nocte alicuius opulenti Croesi direpturus aedes manipulos colligeret suorum, unum sibi e carioribus repentino mortis ictu trucidatum deesse animadvertit. Obrutus propterea moerore animi loco praedae quieti se dedit; et en videt per somnium illum ipsissimum, cuius fato affligebatur, a non bonis geniis in orcum abripi, se autem ab optimo (tutelaris erat) his interpellari: “Heus, an et nunc socius huius eris?” [f2v] Territus ille viso inferni barathro, noluit suo Pirithoo Theseus esse112; sed a somno et vitiis expergefactus ita mutatus est, ut post visitata ter Divorum Apostolorum limina, post extructa complura coenobia, post edita miracula, cilicio et cineri incubans ultimum diem sanctissime obiverit.113 111 Cf. Paschini Pio, Surio (Sauer), Laurentius († 1578), in: ECat XI, 1584-1585, ubi is describitur uti “scrittore certosino”, cuius “più nota e diffusa la collezione De probatis sanctorum historiis (157-681) una nuova edizione in 12 voll. nel 1618 [...] ricondusse le vite alla forma originaria”. 112 Sermo hic est de Pirithoo, “friend of Theseus, with whom he went down to the lower world to carry off Proserpina” (cf. CNLD, s.v. Pirithous, -i). 113 Cf. Surius, Historiae seu Vitae Sanctorum, vol. VI (Junius), Augustae Taurinorum 1877, pp. 353-357, Junii 15: Vita B. Landelini Abb. Crispin († 686), ubi haec historia narratur; attamen loco allegationis: “Heus, an et nunc socius huius eris?” legitur: “Astitit Angelus Domini, et voce terribili dixit ei: ‘Cerne iam Landeline proemia laboris tui: vide ut anima socii tui ad infernorum aeterna supplicia pertrahatur: simulque considera, utrum tibi praestabilius sit ita protrudi in barathrum aestuantis gehennae, an nobiscum potius perfrui gaudiis sempiternis’”. Cf. D’Haenens Albert, Landelino, abate di Lobbes, santo, in: BS VII, 1091-92; S.S. (Spis Stanisław?), Landelin, in: EKośc XI, 598: “O L. Bollandyści podają pod dn. 15 czerwca dawną i wiarogodną biografię, z której da się wyciągnąć co następuje. [...]”.
RkJQdWJsaXNoZXIy MjI2Mw==