974 orator crucifixus lachrymarum imbre non rigasse tantum, sed etiam lavisse; lotos pretiosissimo liquore perfudisse, perfusos ornamento singulari sui capitis, cirris inquam flaventibus, tersisse: ac propterea ab internis tortoribus ibidem exsolutam [fv] illa Divini oris suavissima verba excepisse, illam tesseram reconciliati sibi Numinis, illam cautionem remissorum debitorum, illud aeternae Regis aeterni amicitiae symbolum: “Remittuntur tibi peccata” [Lc 7, 48]. Porro Augustinus totum hoc negotium admirabile et obstupescendum diligentissime, prout par erat, expendens orationi tacitae, verum efficacissimae attribuit: “Fudit lachrymas cordis” (ita de Magdalena Iesum deprecante disserit) “et lavit Domini pedes obsequio confessionis, capillis suis tersit, osculata est, unxit. Tacita loquebatur, non sermonem promebat, sed devotionem ostendebat”108. Ideo promeruit audire: “Remittuntur tibi peccata”. Fugatis daemoniis, iam in te mea gratia, amor mei, non amor saeculi, (Deus hoc dicebat, Deus efficiebat) aeternum permanebit. Quisquis es a Deo desertus, a malo genio possessus, spoliatus gratia, delictis oneratus; ingemisce, tunde pectora, funde lacrymas, clama, clama: “Deus meus, Deus meus, ut quid dereliquisti me?” et redibit in te virtus ex alto, fugabuntur daemonia, remittentur peccata; gratia, gloria, Deo, repleberis. “Qui enim” (cum Isidoro Pelusiota109 concludo) “pectus et viscera sua compunctione percutit, et flebilium sermonum choros adiungens poenitentiae calamum in pixidem moeroris lachrymarum nocturnarum intingit: morte Christi pro peccatoribus suscepta non frustrabitur”110. [f 2r] 108 Textum hic allegatum in operibus S. Augustini secundum Indicem gene- ralem ad ea annexum invenire non potui. 109 Cf. Benedetto Filippo di, Isidoro di Pelusio, santo († ca 434), in: ECat VII, 254, ubi de eo legitur: “scrittore ecclesiastico”, “interprete della S. Scrittura”, et de eius operibus: “L’unica opera pervenuta è L’Epistolario lettere distribuite in 5 libri”. 110 Textum hic allegatum in operibus s. Isidori Pelusiotae in PG 78 secundum Indicem analiticum invenire non potui.
RkJQdWJsaXNoZXIy MjI2Mw==