903 restauratio templi mystici quemadmodum suadet Iesus “ut sitis filii Patris vestri, qui in caelis est” (apud Mt 5[, 44.45]). a add. “ante altare” (Mt: BSV) Solari afflictos non verbis tantum, sed et factis, non obviae pietatis est. Dido talem iactabat apud Virgilium: “Non ignarumb mali miseris succurrere disco” (Aen. 1)195. Exul quondam Tyro, exulem Aeneam tota Carthagine excepit humanissime196. Hoc erat afflictis (et gentilis erat) succurrere rebus. Iobo fideles amici, praeter verba consolationis plenissima, munera adiecere: “dederunt ei unusquisque ovem unam et [180] inaurem auream unam” [Iob 42, 11]. Matrem Dei Virginem Beatissimam, crudelissima dilectissimi Nati morte concussam, erigebat Ioannes: ex illa hora, qua pientissimum Servatorem nostrum tumulo clausit, “accepit eam [...] in suac” [Io 19, 27]. Discipulos ipse caelestis Praeceptor firmans: “non turbetur”, dicebat, “cor vestrum neque formidet” [Io 14, 27]. Contra, Solymae allacrymans vates: Plorans (canebat Thren 1[, 2]) “ploravit in nocte, et lacrymae eius in maxillis eius. Non est, qui consoletur eam ex omnibus charis eius. Omnes amici eius spreverunt eam, et facti sunt ei inimici”. Quid gravius est,quam in dolore condolentem non habere? quid scelestius, [181] quam addere afflicto afflictionem? Cavete hoc, Christiani, etiam inimicum squalentem, quum potes- tis, exhilarate. Victor Alexander Dariovicto generose compassus est197: nobis talia non conveniunt. At flere cum flentibus iubemur ab 195 Verba ab auctore hic allegata inveniuntur in ultimo versu huius strophae: “Quare agite o tectis, iuvenes, succedite nostris Me quoque per multos similis fortuna labores iactatam hac demum voluit consistere terra. Non ignara[!] mali miseris succurrere disco”. Sic in: P. Virgilii Maronis Æneis, l. I, vv. 627-630: Publii Virgilii Maronis Opera, ed. C.H. Weise, Lipsciae 1844, p. 119. 196 Vide explanationem huius pericopes apud Jarra, p. 43, nota 1. 197 Alexander Magnus, rex Macedoniae (336-323 a.C.). Auctor non dicit quomodo ille devicto a se Dario III, regi Persiano, “generose compassus est”. Forsitan eo sensu quod, postquam Darius a suis connationalibus occisus est, “il suo cadavere fu da Alessandro fatto trasportare nella Perside, ove fu sepolto, con tutti gli onori, nella tomba dei re”; Giannelli Giulio, Alessandro III di Macedonia, Magno: EI II, 333.
RkJQdWJsaXNoZXIy MjI2Mw==