882 templum dei mysticum [129] Primum, facere possis hoc modo: Sanctissima et gloriosissima Trinitas unus Deus, infinities millies adoro te, et gratias ago debitas tuae Maiestati pro omnibus et singulis beneficiis, favoribus, gratiis, in me et universum genus humanum ab exordio mundi ad hoc usque tempus, et maxime hoc die collatis. Gratias tibi ago, Domine Deus meus, quia me creasti, redemisti, vocasti ad religionem Catholicam, direxisti, illuminasti, excitasti, erexisti, conservasti, nutrivisti, protexisti, tolerasti etc. (adde particulares favores praesertim praesentis diei). Benedictus ergo sis in donis tuis, et Sanctus in omnibus operibus tuis, qui vivis et regnas in saecula saeculorum. [130] Secundum: Illumina, Domine, oculos mentis meae, ut agnoscam bona tua et mala mea: pro illis te benedicam, haec defleam et emendem cum gratia tua pro gloria tua. Amen. Tertium: Quid cogitasti, dixisti, fecisti, tibi commemora, ut advertere queas: num quidpiam in cogitationibus, dictis factisque tuis peccati aut imperfectionis non sit admissum, contra legem Divinam, naturae, vel humanam, ut et dolorem iustum de eo concipias, et confessioni subiciendum adnotes. Hoc inculcat D. Leo139: “Scrutetur unusquisquea conscientiam suam, seque ante se statuat proprii [131] censura iudicii” (Ser. 3, Quadr.)140. Nec aliud Augustinus, praecipiens: “Ascendat”, inquit, “homo adversum se tribunal mentis suae, et constituto in corde iudicio adsit accusatrix cogitatio, testis conscientia, carnifex timor, et sanguis animae confitentis per lacrymas profluat” (in l. 50, homil.1)141. a “quisque” (PL) 139 S. Leo Magnus, Doctor Ecclesiae (440-461). 140 Leo Magnus, De Quadragesima III, in: S. Leonis Magni Sermones, Sermo XLI, c. I: PL 54, 272 (n. 153). 141 Hanc allegationem e scriptis s. Augustini non potui verificare, quia in editione sermonum eius quae mihi accessibilis est datur diversa divisio et nescitur ubi in hac editione collocatur homilia 1-a ex libro 50 editionis qua p. Papczyński usus est. Etiam Jarra diversam divisionem sermonum s. Augustini in PL annotavit.
RkJQdWJsaXNoZXIy MjI2Mw==