852 templum dei mysticum aliquem, num ad bonam frugem esset eundum? Qui nos retrahit a vitio ad virtutem, a malo ad bonum, a peccato ad poenitentiam, non indiget spiritus examine. Orcus enim talia nunquam solet sua- dere. Consultorem non expectat, quem aeterna sapientia docet, simulque movet ad agendum. Quin periculosum est aliquando, praesertim pluribus, nec timoratis, aut aemulatione aliove occulto animi morbo laborantibus se revelare. Quamquam non impugnem sui manifestationem, non utilem modo [49] sed et necessariam, at huiusmodi personis, quibus discretio spirituum collata; qui non modo norint, quid a Deo proveniat, sed velint etiam iuvare eos, qui tali ducuntur via, censeo faciendam. Sit exemplo nunquam satis laudanda Virgo Theresia, de cuius heroicis ausis ac seraphico spiritu, quam diversa docti etiam piique viri sentiebant! Alii illusam, alii obsessam, amentem alii, putavere; paucissimi rem probabant, nisi effectu secuto. Scilicet ex eventibus facile bona discernimus a malis omnes; at ante hos rari possunt aut audent definire hac in re aliquid, nisi quibus hoc donum [50] singulariter a Deo collatum est. Simplex anima, Deo fidens, humilis, nihil praeter- quam Dei placitum attendens hac in semita non errabit. Scriptam Divinae Voluntatis regulam dicimus illam, quae nobis in eius praeceptis, consiliis et doctrinis Evangelicis, legibus et mandatis, et statutis, et ritibus, et consuetudinibus Ecclesiae receptissimis, tum et in civilibus aequitati consentaneis, et religioni, immunitatique ac dignitati spirituali non adversantibus, exarata est. Addo religiosorum Ordinum, diversarumque societatum regulas, eiusdemque generis alia, praesertim authoritate Sanctissimae Sedis [51] Apostolicae comprobata. Quibus, quicunque amore Dei voluntatem suam subicit, non admittendo solum ea, verum etiam implendo, is profecto sibi mortuus, Deo vivere censendus est. Verum ad illud etiam genus mortificandae voluntatis veniamus, per quod alienae voluntati ac imperio, nutibus ac regimini se sponte subdit, existimans id esse Deo acceptissimam victimam. Et revera negari hoc nequaquam potest, quod ipse Divinus spiritus in sacris literis expresse testatus est, cum per Samuelem Sauli
RkJQdWJsaXNoZXIy MjI2Mw==