850 templum dei mysticum Dei, ad gloriam Dei eo modo, ut semper factum praeveniat [43] intentio singularis, aut saltem subsequatur. Nam et fructuosius et nobilius est, non mane solum ac vesperi, se totum suaque omnia (ut docuimus), sed etiam saepius in diei decursu, initio maxime singularum actionum, Deo consecrare, adiecta quotidie saltem generali protestatione (ut ostensum) de non cogitandis, loquendis, aut agendis, non dico malis at vanis, curiosis, inutilibus, ac imperfectionibus cavendis. Sic enim futurum est, ut pius et misericors Dominus, respiciens sinceram voluntatem nostram, omnia opera nostra, cogitationes actionesque sanctificet, a peccatis nos prae- servet, a peccatis nos praeservet, [44] et si casu per fragilitatem fuerimus lapsi, nos illico erigat ignorantiasque nobis clementer condonet, ac tandem faciat, ut illum ex toto corde, animo, mente, voluntate, viribus, ubique, semper, tota aeternitate, diligamus perfectissime, et arctissimo intimae Charitatis vinculo illius uniamur Divinitati. Caput VI Victima Templi Mystici Per victimam hic mortificationem intelligi volumus, interiorem et exteriorem. Sed ita, ut ab Amore Sacerdote immoletur, ad quem et reliqua Templi Mystici omnino spectare [45] volumus. Nam quidquid sine hoc in Templo fit, totum illegitimum est et spurium. Interior igitur Mortificatio (ut communi et usitato vocabulo utar) sita est in voluntatis, iudicii et phantasiae nostrae moderatione. Voluntas optime et sanctissime dirigitur, cum ad ea ducitur amplectenda, quae voluntati Divinae, sive illa scripta sint, sive inspirata, conformia sunt, legibus nempe Dei, naturae, Ecclesiae, cuiusque status propriis, non absona. Inspiratam dicimus voluntatis Divinae regulam, quae vel a cae- lesti genio, vel a pio doctoque homine, ut sunt confessarii, spirituales Patres, devoti viri, vel ab audito lectoque [46] sacro aliquo sermone, proficiscitur. Huic enim obtemperantes innumeri salvi fiunt et sanctissimi evadunt. Sic Angelus Virginem Augustissi-
RkJQdWJsaXNoZXIy MjI2Mw==