848 templum dei mysticum parvo, nec in magno, [38] nec in tempore, nec in aeternitate; ita, ut una aequali facie in gratiarum actione permaneas, inter prospera et contraria, omnia aequa lance pensando” (l. 3, c. 25).56 Caput V Sacerdos Templi Mystici In hoc templo mystico omnia sacra peragit Amor: victimas omnes Amor Sacerdos immolat. Amor ille purus, sanctus, igneus, cae- lestis, ex aeterni Amoris fonte derivatus. Levitici secundo imperatum est Clero illi antiquo: “Quidquid obtuleris sacrificii, sale condies” [Lev 2, 13]. Vetera nempe sacrificia [39] potissimum carnibus constabant; quarum nullus absque sale sapor, nulla conservatio. In lege Christi, cuius umbra vetus lex erat, rectius dicendum: Quidquid obtuleris sacrificii, amore condies. Nam, ut observat Petrus Cluniacensis57: “Qui in lege nullum sacrificium sine sale suscipit, sic nullum munus sine foedere charitatis sibi placere ostendit” (l. 5, ep. 16)58 . Huc spectat sanctissimi Patris Ambrosii dictum: “Dilectio sola discernit inter filios Dei et filios diaboli. Signent se omnes signo Crucis; respondeant omnes: Amen; intrent ecclesias, impleant parietes basilicarum: non dis- cernuntur filli Dei a filiis diaboli, nisi charitate”59. [40] Quapropter sacrificia templi mystici, nisi ab amore sacerdote offerantur, ingrata sunt Deo, penitus illa respuit. Si enim intentio operum nostrorum, sive bonorum, sive ut vocant indifferentium, non fuerit optima, vix meritum aliquod haberi poterit. Commune illud axioma non omnino incertum est: Quidquid agant homines, intentio iudicat omnes. Proripis te lecto 56 ICH, p. 182. 57 Petrus Venerabilis († 1156), electus est Abbas monasterii benedictini Cluniaci (Cluny) anno 1122. Cf. Piolanti A., Pietro il Venerabile: EC IX, 1450; Roczkowski Julian, Piotr Maurycy [...] Venerabilis”: PEK XXXI-XXXII, 204-205. 58 Dantur 6 libri Petri Cluniacensis et in libro V dantur solummodo 9 epistolae, in quibus hanc allegationem invenire non potui. 59 Nescitur e quali opere s. Ambrosii hoc “dictum” provenit, ac proinde allegationem hanc verificare non potui.
RkJQdWJsaXNoZXIy MjI2Mw==