799 recollectiones quotidianae qui non solum iustus es, sed ipsa Iustitia; non solum innocens, sed ipsa innocentia; non solum purus omnis sceleris, sed potius omnium scelerum Purificator, Redemptor? At multa flagella peccatoris. Ob scelus populi tui, ob scelus inquam meum, petra viva, percutiere. Scinditur ergo ex parte cor meum dolore tibi, Iesu amabilissime, compatiendo; sed ex parte inundat laetitia per tuam flagellationem se a peccatis suis debita flagellatione liberari sentiendo. Gemit anima mea gravissime et gemere debet, nam nisi gemat, impia erit; gemit inquam anima mea, o anime mi Iesu! cum te instar sceleratorum omnium sceleratissimi ad flagella condemnatum expendit; sed eadem exultat maxime et exultare debet, [f.178v] nam nisi exultet erit ingrata; exultat inquam maxime anima mea, cum videt te amore sui tactum ineffabiliter mille flagra pro salute sua exoptare dicentemque cum Rege psalte audit: “Eccea ego in flagella paratus sum” [Ps 37, 18]. a “Quoniam” (BSV) Utinam ego, Domine mi, ob honorem tuum et vitandam tui offensam sic corpori meo insolentique carni amplius non parcam; qualiter tu, ob salutem et redemptionemmeam sanctissimis membris tuis non pepercisti. Sed iube, Domine, quod vis et quod iubes, ut faciam, effice16. 2. Repraesenta tibi carnificum in obeundo suo munere damnandam celeritatem, tum qualitatem instrumentorum flagellandi. Nam ubi Praetoris edictum de flagellando Christo innotuit, ut Christus virgis caederetur, divulgatum est; subito hi, indubie aliquo donativo Hebraeorum magis incitati, parandis sese accingunt instrumentis. Itaque virgas ligant, quibus uncos ferreos interserunt. Catenarum instar pendentes ferreas scuticas, et in fine stellis acutis terminatas expromunt; addunt his varia alia flagellorum genera quae 16 Cf. Augustinus, Confessiones, Ratisbonae, 1926, p. 489 (l. X, c. 29): “Et tota spes mea non nisi in magna valde misericordia tua. Da quod iubes, et iube quod vis.”
RkJQdWJsaXNoZXIy MjI2Mw==