787 recollectiones pro hebdomadalibus exercitiis servientes fecerunt, cum aliquam celebrem victoriam retulissent, cum quempiam suorum hostium profligassent; cum praecipuo, singularique aliquo Dei beneficio essent affecti. Et, tu, hodie, hac hora, immo toto vitae tuae decursu non promes ore iubilos? non corde laude[s] fundes? non tympana precum pulsabis? non chorum duces et dices, cogitatione tua penetrans, quam ingenti beneficio sacrae Communionis ab optimo, benignissimo liberalissimoque Numine affectus, locupletatus et cumulatus es? [2]. Considera amicos, cum ab amicis convivio excipiuntur, semper cogitare et dare operam, ut illis hoc humanitatis officium rependere queant. Incumbendum tibi hodie pariter in istud est, ut praesentem tibi Domini amicissimi Iesu Christi liberalitatem, qua se tibi totum cum corpore et sanguine in cibum sumendum elargitus est, valeas compensare. Igitur, vel te ad labores illius amore perferendos aerumnasque tolerandas, quaecunque tibi evenerint, offeras, sicut sese obtulerat caena in ultima, (licet permittente et disponente sapienter, aliter factum esset) Princeps Apostolicus et iam ad ipsam mortem pro Domino subeundam inquiens: “Etiamsi oportuerit me mori tecum, non te negabo” [Mt 26, 35]. Vel aliquam tibi mortificationum, ob honorem istius excellentissimi Sacramenti exercendam assumas aut in aliqua virtutum heroicarum te exercere proponas: seu vitium quodpiam faedissimum, consuetudinem pravam notabilemque, in quam frequentius laberis, imperfectionem, quae divinae Maiestatis oculis maxime displicet, tibi vero non parum officit, evitare singulari studio et omnibus modis extirpare promittas, ut deinceps purissimum [incensum?] sanctarum actionum tuarum in ara cordis adolere queas Domino exercituum et virtutum potentissimo, liberalissimo clementissimoque. [3]. Non aliam fuisse causam in ultimo illo antiqui Paschatis con- vivio Dominico corpore reficiendi expendes, quam, ut sumpto agno immaculato, Deo ipso in novi testamenti Paschate, novis divinisque viribus roborarentur et tam forti ac invicto animo immi-
RkJQdWJsaXNoZXIy MjI2Mw==