784 inspectio cordis emendationemque expectabat; stupesce clementiam, qua te ad se attraxit; extolle bonitatem benignitatemque, qua te filium perdito illo prodigoque evangelico filio peiorem suscepit redeuntem. O magnam gratiam Servatoris qui te recepit in gratiam, donavit salute, quem Iudex iustissimus iustissime ad tartareos ignes poterat condemnare detrudereque. Quoties mortales aliquid grandioris noxae committentes, instante iustitia, se nullis thesauris redimere, nulla precum vi, amicorumve multitudine liberare a morte queunt. Tu, infinitae malitiae sceleribus, infinitae bonitatis Dominum, Conditorem, Restauratoremque tuum petiisti, offendisti, exacerbasti; quam ob causam, cum mortem aeternam merueris, non te ea mulctavit, sed potius morte sua dirissima comparatam immortalitatem tibi, si iam cesses eum offendere et amare ordiaris, appromisit et procul dubio daturus est. Quod quantae bonitatis amorisque Divini erga te monimentum est! Ah! cur tam clementem, munificum pientissimumque Dominum totus non complecteris? cur non in sinu illius ex amore exspiras? cur non totus es suus, ut ille tuus totus essepossit? cur nonamore amoremcompensas? quemutinam te Amor omniummortalium doceat atque instillet, Christus Servator omniummortalium! Recollectio XVIII Ante Quamlibet Sanctissimam Communionem 1. Considera sanctissimum Eucharistiae sacramentum ab ipso Domino, et Servatore nostro [f.172v] Iesu Christo, veri et unius Dei unico Filio Ierosolymis in ultima Cena, quam ante suam passionem truculentissimam apud quendam e civibus Ierosolymitanis indubie optimum iustumque hominem, constituerat, Pascha sive Phase cum discipulis celebrans, institutum fuisse. Quod referens Sanctus Matthaeus e telonii exactore dispensator verbi divini fidelissimus his verbis: “Coenantibus autem eis” (inquit) “accepit Iesus panem, et benedixit, ac fregit, deditque dis- cipulis suis, et ait: Accipite, et comedite: hoc est corpus meum. Et accipiens calicem gratias egit: et dedit illis, dicens: Bibite ex
RkJQdWJsaXNoZXIy MjI2Mw==