782 inspectio cordis non dulcedinem, sed proficuitatem exoptet: ut extinctis pravarum cupiditatum in te flammis, et omnibus animi pestilentissimis infirmitatibus ablatis, sanitatem tibi illam, illud refrigerium, conferat: quo melius, nec optari, nec haberi potest: teque ex Aethyope nigerrimo angelum candidissimum efficiat. Atque insuper, tantam copiam gemmarum, id est, gratiarum, ex hoc fonte et torrente voluptatis aeternae spera te asportaturum, quantam ad immortale caelorum Regnum comparandum possis indigere. Recollectio XVII Post Reditum a Sacra Mensa 1. “Ecce sanus factus es: iamnoli peccare” [Io5, 14].Hic te vocibus pientissimis Medicus caelestis animarum, vir religiose, alloquitur: Quantumcunque imperfectionum hactenus admiseris, ecce tibi misericordissimus, vere, plus quam dici cogitarive potest, misericordissimus Dominus condonavit; omnem quamvis ingentem offensamremisit. Quantiscunque gravissimorumfoedissimorumque peccatorumanima tua fuerit obsita et circumdata ulceribus, omnia sustulit medicina plane efficacissima sanctissimo corporis sui alimento et praestantissima sanguinis proprii ablutione. Iam itaque omnium defectuum tuorum tam in orbe, quam hic extra orbem patratorum veniam tibi esse concessam pie certoque sperare, quin credere potes. Sed incumbas dehinc in bona opera necesse est; ut inter spinas pravitatum, etiam rosae optimarum virtutum in horto animae tuae reperiantur. Induc igitur in animum hortum ut hunc excolas, neque te plurimae lapparum inutiliumque herbarum, hoc est vitia, a studio huius excolendi deterreant aut abstrahant; neque ullus arduus labor negotium tibi facessat. Aderit bonae voluntati tuae optimi summique Numinis auxiliatrix [f.172r] dextera, mittet illuc[?]a ingentem pluviarum, nempe lachrymarum abundantiam ad hunc hortum irrigandum; dabit benignissimos gratiarum favonios, ut fructum uberrimum, his afflatus, solidarum virtutum, hortus tuus proferat et sanctarum
RkJQdWJsaXNoZXIy MjI2Mw==