758 inspectio cordis renis animus implicatus, superna exactius contempletur cupiat, apprehendat, partim eam ob causam, quod transeuntium rerum contemptores, in omni se virtute integros conservent et quaeque ardua magno animo aggrediantur, conficiant, absolvant. Propterea summa Sapientia Christus pauperes Apostolos elegit, quod facilius per eos, quam per divites opum avidissimos mundum esset conversurus et quia soli Spiritui, tam hos, quam alios fideles vacare volebat, hanc eos virtutem non vilipendendam docuit, colendam monstravit, servandam praecepit. Hinc etiam factum est, quod in Orbem venturus, pauperes parentes sibi elegerit, superborum et divitum Pharisaeorum con- versationem, praeter quam salutis causa vitarit, eo quod essent magistri avaritiae, non charitatis, mercenarii, non veri pastores. Demum horrendum Iudae praecipitium expendes, non aliunde ortum fuisse, quam ex avaritia paupertatis hoste; qua ductus suum, etiam Magistrum, Dominum, Redemptorem Conditoremque tam vili et exiguo precio vendidit. Colloquium compinges ex affectibus cum paupere Iesu et Mariaa tractatis et generosa proposita paupertatis eliciens, petes potius a morte comprehendi, quam a pessimo habendi, appetendique desiderio. a in ms. erronee: “Marie” 1 Pater, et Ave. Recollectio IX De Charitate 1. Illa nunc tibi virtus consideranda, qua omnis creatura condita est; orbis caelumque stetit: homo fabricatus fuit; Deus-Homo factus et impassibilis in passibili corpore passus trucidatusque; immortalis, pro te mortem, non ut Deus, sed uti homo oppetiit; qua lumen caeleste, Magister Veritatis et omnis scientiae Spiritus in Apostolos aliosque discipulorum detractus caelo est; qua e diversissimis nationum populis, veluti membris, unum corpus Ecclesiae Dei compactum est, utque tot sacri caetus, Congregationes
RkJQdWJsaXNoZXIy MjI2Mw==