730 inspectio cordis 2. “Occidit omnes pueros” (M 2 [, 16]). Pudore, tu, debes affici, et confundi, quod nihil hactenus pro nomine Iesu fueris passus. En infantes bimuli et infra, a matrum rapti uberibus Messiam profitentur sanguine; quem nondum noverant, nec poterant invocare, pro eo iam crudelem oppetunt mortem: quid te virum deceat facere? Nondum fortificatas habentes manus puelli vi caelum expug- nant, rapiunt, ingrediuntur: tu, desidem ages vitam, neque te tali bus athletis adiunges? Age, inflammare sancta invidia et quo illi pervenere per gratiam, tu cures pervenire per victoriam. Vince mundum, vince dae- monem, vince teipsum. Ex triplici hoste potes auxilio Dei, si velis, triplicem referre palmam, triplicem coronam. Anima te ad pugnam: dic tibi: potuerunt isti, ego non possim? vicerunt infantes, ego non vincam vir? coronantur puelli, ego non coronabor? [f.151v est vacuum]
RkJQdWJsaXNoZXIy MjI2Mw==