713 recollectiones in totius anni solennioribus festis Cave, tu, ne peiores originali macula maculas contrahas, si tibi serpentem feceris familiarem; si inquam tentatori animae tuae colloquium non denegaveris immorando peccaminosis cogitationibus. 2. “Ego feci in caelis, ut oriretur lumen indeficiens” (Eccli 24[, 6]). Considera et pie perpende, non parum Virginem Beatissimam contulisse auxilii, ut ille Sol increatus oriretur et populus, qui ambulabat in tenebris, videret lucemmagnam112. Nimirum orabat illa Deum, ut quantociius promissum daret Messiam, et [“]Lumen ad revelationem gentium[”] [Lc 2, 32] mitteret. O si tibi istud hodie suis obtineat precibus, ut in [f.145r] te oriatur lumen indeficiens, ut scilicet admisso in tua viscera Sole iustitiae nunquam te obruant iniquitatis tenebrae, sed perpetuum luceant opera tua bona coram hominibus et glorificent Patrem tuum, qui in caelis est!113 3. “Sicut nebula rexi omnem terram” [ibid.]. O salutarem nebulam, per quam Ros optatissimus delapsus est in terram. Protegit haec nebula omnem mundum et irrigat mirifice, cum divinae irae tela ab eo avertit, cum multa bona ei comparat. Ostendit enim ubera Filio, Filius Patri vulnera: sic Pater ignoscit peccantibus, sic ingratos donis accumulat, sic nostram propter Filii merita et Matris eius preces expectans emendationem mutat in veniam poenam. O quot in rogo damnatorum arderent, si hos ista nebula iucundissima non protegeret! Ergo, tu, post susceptum Filium ora Matrem, ut quandoquidem illa tegit omnem terram, sub umbra alarum suarum te quoque velit protegere et immunem sempiterni aestus conservare. 112 Cf. Is 9, 2. 113 Cf. Mt 5, 16.
RkJQdWJsaXNoZXIy MjI2Mw==