702 inspectio cordis madmodum obstinata in scelere superborum angelorum voluntas, nonnisi profundissimo barathro meruit, ac debuit, immergi, sic e diverso contritorum peccatorum humilis confessio, eos in sublimes gloriae caelestis thronos evehit. Quod [f.141r] idcirco fieri puta, ne tu sceleribus aggravatus poe- nitentiae contemnas auxilium, quasi nimis rigidum esse Iudicem Deum existimans: cum is clementer omnes vocat ad se; nemini vult auctor esse damnationis, unumquemque salvari desiderat; aspirantes ad perfectionem tendere iuvat et revertentibus ad cor fit magis propitius. Post Sanctissimam Communionem 1. “Abraham genuit Isaac” [Mt 1, 2]. Considera tum Abrahamum, quam Isaacum fuisse virtuti obedientiae addictissimos: alter a Deo vocatus e patrio solo relictis amicis, consanguineis, propinquis discessit96; alter a parente in montemMoria eductus sese victimam obtulit mactandam, ut tam Deo, quam parenti pareret97. Uterque Servatoris optimi typus erat. Abrahamus divinae parens voluntati egressus est de Haran, ut iret in terram Chanaan: Iesus eandem Patris voluntatem aeterni secutus e caelo ad sublunarem hunc descendit globum, ut humanum corpus sumeret ex Virgine. Isaacus[s] resignatissimus iam verticem paterno gladio in vertice Moria submiserat decollandum: Iesus meliori effectu totum se excarnificandum et in monte Golgothaeo crucifigendum pro generis humani salute tradidit. Tu, crucem amplectendo, et a tua recedendo voluntate, simul Abrahamum cum Isaaco[s], simul Iesum imitaberis. 2. “Isaac [...] genuit Iacob” [ibid.]. Considera, quod, sicut Isacides[s] Iacobus[s] fugiebat Esau fratrem suum98, sic tibi fugiendum tentationis administratorem esse, quem superare nequeas, tibi persuadere debeas. Et quemad96 Cf. Gen 12, 15. 97 Cf. Gen 22, 1-19. 98 Cf. Gen 27, 41-45. 28, 10ss.
RkJQdWJsaXNoZXIy MjI2Mw==