697 recollectiones in totius anni solennioribus festis necesse est; sollertior, diligentior, laboriosior in castris exercituum Domini perseveres. a in ms., ob lapsum calami, erronee: “fumaleris” Quid appetas quietem? Vitae, quam vivis, otium venenosissima pestis est. In palaestra Christi qui desudant, quiescunt tum quando sudant. Sequere tuum Imperatorem, qui in laboribus a iuventute sua exercens sese inter laborem salutis maximum vitae cursum terminavit. 2. “Beati misericordes: quoniam ipsi misericordiam conse- quentur” [Mt 5, 7]. Considera, pridem hunc mundum periturum fuisse, nisi benig- na misericordia severum divinae iustitiae rigorem attemperaret. Cum enim Deus homines videt hominum misereri, mutat severa decreta et peccata eorum, qui suis proximis exhibent misericordiam dissimulat: miseretur miserentibus, quin etiam propter miserentes aliis miseretur; sicque humana misericordia divinam conciliante hominibus misericordiam iustitiae rigor languescit et poena transit in veniam. Tu, si non habes cuius miserearis, animae tuae miserere; ne perditum illam eas, quam redemit Charitas: perdes autem nisi perdideris. Nam Veritatis immutabile effatum est: “Qui invenit animam suam, perdet illam: et qui perdiderit animam suam propter me, inveniet eam” (Mt 10[, 39]). 3. “Beati mundo corde: quoniam ipsi Deum videbunt” [Mt 5, 8]. Digna est haec Christi Domini caelestis Praeceptoris summa consideratione gradatio. A paupertate, mansuetudine, luctu, misericordia, tandem venit ad cordis munditiam. Pauperibus, Regnum caelorum; mitibus, terrarum possessionem; lugentibus, aeternam consolationem; esurientibus et sitientibus iustitiam, saturitatem; misericordibus, misericordiam promisit; at mundis corde quid? beatificam visionem destinavit. Tu igitur, quanto vides puritati maiora praemia esse constituta, tanto diligentius cordis invigila custodiae. Siquidem maculare cor,
RkJQdWJsaXNoZXIy MjI2Mw==