692 inspectio cordis emundatam, talem reposcet. Quodsi infeceris, ut mercenarium tractabit; si puram conserva[ve]ris, ut optimum pastorem, custodem, servum, ad aeterna gaudia intromittet. [f.137v] In Festo Sancti Venceslai: Ante et post Sanctissimam Communionem Recollectio habetur in Communi Martyrum, [infra, ff. 153r-154r] In Festo Dedicationis Sancti Michaelis Archangeli: Recollectio habetur supra, folium [117r] in eiusdem Apparitione. In Festo Sanctae Hedvigis Viduae: Recollectio supra, folium 124r, uti in festo Sanctae Margarethae. In Festo Translationis Sancti Adalberti: Recollectio habetur in Communi Martyrum, infra, [ff. 153r-154r]. In Festo Sancti Lucae: uti in Communi Evangelistae, [infra, ff. 152r-153r]. In Festo Sanctorum Simonis et Iudae Apostolorum Ante Sanctissimam Communionem 1. “Haec mando vobis, ut diligatis invicem” (Io 15[, 17]). Considera, duplici te praecepto Dei obligari ad diligendum proximum. Nam in vetere testamento Pater aeternus diligendi proximi legem tulit; in nova lege aeternus Filius eiusdem mutui amoris mandato te obstrinxit. Aude nunc oblatrare famae alienae; carpere alterius vitam, ges- ta, mores; ulcisci iniurias; odio in fratrem ferri, cum Christus omnium Iudex mandat contraria, cum immutabile Verbum clamat: “Haec mando vobis, ut diligatis invicem”. 2. “Si mundus vos odit: scitote quia me priorem vobis odio habuit” [Io 15, 18]. Considera, quod per mundum Christus Dominus intelligat hic homines malos, mundo deditos, vanae gloriae cupidos, invidos et similibus obnoxios vitiis, quibus illius caelestis vita displicebat;
RkJQdWJsaXNoZXIy MjI2Mw==