680 inspectio cordis In Festa Virginis Beatissimae Nativitate Ante Sanctissimam Communionem 1. “Liber generationis Iesu Christi” (Mt 1[, 1]). O aeterna Dei Progenies! quale moliris opus? quam admirandum negotium suscipis? Homo, ecce homo amore hominis esse cogitas et divinam tuam maiestatem humana vilitate vestire; dubito, an ut lateat, an ut clarior appareat? Hodie iam Arca illa, in qua, tu, novem mensibus mansurus es, perfecta sub sole comparet. Hodie Sanctuarium, quod magis praesentia tua sanctificabit, constructum stetit in medio Ecclesiae. Hodie opus dexterae Excelsi, omnium praestantissimum, admiratione, gaudio, caelos, limbum populumque Messiam expectantem implevit. O anima mea! non video, quo gaudium tuum convertas: an ad futuram Dei Matrem hodie natam? an ad futurum Salvatorem, adhuc expectandum? Prius elige teque cum angelis natae Virginis adiungens cunis pange illi gratum genethliacon; erumpe has in voces: Te saluto, Aurora, aeternae diei prodroma [s] lucidissima! saluto te, Luna candidissima, noctis magnae illuminatrix. Saluto te caeli et terrarum maximum decus, o Maria! verum Salvatorem paritura. Saluto te, extra alios titulos, titulo Refugii delinquentium; o quantum, tu, cumulum peccatorum, expectata refugii civitas77, es a morte perenni praeservatura! inter quos, primus ada te confugio, omnium primus. a in ms. erronee: “a” 2. “Abraham genuit Isaac” [Mt 1[, 2]. Ab utroque semine, et regali, et sacerdotali uterque, Iesus et Maria procedunt. Haec Filia, ille Filius Abrahami Isaacique[s]b sunt, obedientissimorum obedientissimi. Ille semper Patris voluntatem secutus; haec nunquam suam, nisi Dei fecit voluntatem; quod vel in ipsa Salvatoris incarnandi legatione testata est, dicendo: “Fiat mihi secundum verbum tuum” [Lc 1, 38]. Decuit nimirum eos, qui 77 Cf. supra, In Festo Annunciationis Beatae Virginis, ASC, n. 32.
RkJQdWJsaXNoZXIy MjI2Mw==