660 inspectio cordis Post Sanctissimam Communionem 1. “Fides tua te salvam fecit” [Lc 7, 50]. Considera, universa delicta Mariae Magdalenae simul cum eorum poenis fuisse [f.126r] remissa eamque continuo ad perfectissimam amoris unionem fuisse admissam. Nihilominus secessit illa post Dei Hominis ad superos ascensum in remotum solitariumque montem, ibique durissimis poenitentiae actibus praeteritae malefacta aetatis compensabat et quotidianis lachrymis maculas anteactae vitae expiabat.62 Scilicet tibi dedit exemplum, ne ab arreptis poenitentiae exercitiis et vitae rigore desciscas, quamvis certus sis omnium tibi datam esse veniam scelerum. Quemadmodum fecit ille, qui cingulo castimoniae donatus, nunquam destitit evitare scopulos, ad quos potuisset naufragium assertae virginitatis aliquod subisse.63 2. “Quia dilexit multum” (Lc 7[, 47]). Perpende, ex dilectionis magnitudine pendere mensuram gratiarum. Inde fieri, ut, qui maiori amore in Summum Bonum fertur, maiores favores et amoris ampliora praemia recipiat. O anima mea! quid audis? quid rei concipis? Erisne ulterius tam stupida et amens, ut te totam divino amori non impendas, ut totum Deum obtineas? Faciesne deinceps tuam potius cum tui perditione voluntatem, quam amantis iussa cum salute? Non relinques omnia, ut invenias omnia? Non abnegabis te, ut lucreris te et eum, qui condidit te? O vere lucrosa Dei dilectio! qua comparatur is, qui diligitur! O vere bonum est amare Infinitum et amari ab Infinito! O amor inexplebilis, dulcis, constans, benigne, quiete, laudabilis, incircum- scripte! Da te experiri, da gustare, da semper appetere; flagrare tui 62 Saxer Victor, Maria Maddalena, santa: BS VIII, 1092: “III. La Leggenda. [...] 2) In Occidente. [...] a) Un testo del sec. IX: Vita eremitica (BHL, II, 805-806, nn. 5453-5456). Vi si narrava che Maria Maddalena si sarebbe ritirta in un eremo sconosciuto dopo l’ascensione del Signore e avrebbe vissuto trent’anni di penitenza senza veste e cibo.” 63 Forsitan auctore de seipso hic loquitur, se sub “ille” abscondendo.
RkJQdWJsaXNoZXIy MjI2Mw==