653 recollectiones in totius anni solennioribus festis Exurge, tu, pariter ad animam tuam iuvandam, qua tibi nihil propinquius, nihil carius esse debet. Itaque visita illam quan- tocius, lustra, qua re habeat opus, vide et simul provide. Quodsi gravidam bonis desideriis et quasi praegnantem advertis, roga in praesenti Communione venientem ad te Iesum, ut quemadmo- dum Sanctum Infantem in utero sanctificavit Elisabethae[s], sic tua sanctificet desideria et parta iuvet ac promoveat; imo qua gratia [f.123v] Ioannem ab originali labe, eadem te ab omnibus culpis emundet ac iustificet. 2. “Abiit in montana cum festinatione” [ibid.]. En tibi duos sectandae perfectionis modos invicem sibi cohaerentes Virgo Dei Mater Sanctissima suppeditat: alterum, ut contemptis depressis convallibus montana ascendas, id est, altiorem semper gradum perfectionis eligas et attingere contendas; alterum, ut cum festinatione tuam proximique opereris salutem, neque deside mora tibi sinas elabi pretiosissimum tempus nonnisi meritoriis actionibus collocandum. Quodsi aggravant te passionum pondera, nec evolare in summum perfectionis apicem permittunt, orabis Iesum, ut, postquam tuum subiverit pectus, omni te liberet onere, qualiter olim sanctissimam Parentem suam per montana gradientem liberavit, adeo, ut divino onusta pignore nullum sentiens onus iter perageret. 3. “Intravit in domum Zachariae”, etc. [Lc 1, 40]. Considera, quo affectu longinqua haec hospes, Virgo Dei Genitrix domum Zachariae ingressa Elisabetham[s] salutaverit, quis denique effectus hanc salutationem secutus sit, nempe Infantis in utero adhuc materno delitescentis sanctificatio. Collige, tu, etiam omnes animae tuae vires et qua potes diligentia, humilitate ac industria te ad Iesum brevi te conventurum salutandum praepara, ut plenam affectuum sublimium copia et verborum suavitate salutationem, animae sanctificatio et ad omnia ardua corroboratio sequatur.
RkJQdWJsaXNoZXIy MjI2Mw==