622 inspectio cordis 2. “Non pertinet ad eum de ovibus” [ibid.]. Expende, tam mercenarios, quam veros pastores Deum simul in ovili suo pati: sed segregabit illos tandem die illo, quo segregabuntur hirci ab agnis, boni a malis, iusti ab impiis, electi a reprobis. Ita potest etiam te, si mercenarius sis, inter oves suas, id est religiosos, sustinere; ad praemia tamen et ovile caeleste cum veris religiosis non te admissurus est, nisi omnino mercenarii, tepidi inquam, instabilis, negligentis et imperfectissimi religiosi personam exueris. Magnam tamen etiamnum gratiam tibi praestat, cum te indignum ac poene inimicum suum, una cum amicis suis ad sacram mensam admittat. Sed ne hac liberalitate decipiaris, vide. Multa multis hic Dominus bona donaque confert, multos ad convivium suum vocat, dissimulans eorum perversos malosque mores; at postmodum strictissime eos iudicaturus est. Cave obsecro, et operam diligentem adhibe, ne tibi mercenario, tam religiosus status, quam Sacramentorum frequentissimus usus sit in perditionem. 3. “Cognoscunt me meae” [Io 10[, 14]. Contemplare, te veram esse Dei ovem, si tuum Pastorem Iesum cognoscis. Contra, non esse te ex illius ovili, si nullam illius habeas cognitionem. Sed quomodo possis cognoscere Deum, si nondum te ipsum cognoscis? quomodo Sacramenti huius, quod accedis, virtutes, excellentiam dignitatemque intelligere, si vitia cum quibus accedis quaeque tuam mentem summopere a cognitione Dei impediunt, non intelligis, non vides, non resecas? Nosce itaque primo teipsum, si Deum vis cognoscere: nosce tuas passiones ac imperfectiones, si habes animum divinas virtutes ac perfectiones cognoscendi. Postquam in tui cognitione satis laboraveris, tum facile Deum cognosces; in cassum vero perdis operam, cum absque tui ipsius cognitione, ad divinam vis pervenire notitiam. Quodsi non eniteris, ut noscas te, Deum non cognosces. Et vae tibi si non cognosces tuum pastorem, quia ille etiamte suama esse oviculam non agnoscet. [f.111r] a in ms. erronee: “suum”, non concordans grammatice cum “oviculam”
RkJQdWJsaXNoZXIy MjI2Mw==