566 inspectio cordis submittimus, eo magis hac attollimur. Sed utinam, quod agnosco bonum, fateor salutare, sequar, amplectar! [f.82v] Dominica XVII Post Pentecosten Ante Sanctissimam Communionem Punctum 1. “Interrogavit eum unus ex eis legis doctor, tentans eum” (Mt 22[, 35]). Quanta fuerit infelicitas illorum hominum expende, qui, cum vivam Veritatem Christum Dominum ante se haberent, et simpliciter non credebant, non Eam candide admittebant, ut docuit; sed tentabant Eam. An non, tu, pariter hodie tentans accedis illum? adverte. Tentant enim etiamnum homines Christum: cum parva fide, mala intentione, negligenti praeparatione illum in altari existentem adeunt; cum exiguum aliquid propter incredulitatem ab eo postulant et a Rege regia dona sint expetenda; cum tanquam animantia sensualitate victi solummodo suavitatem in sanctissima Communione quaerunt, non fructum potius emendationis, non dona virtutum; cum nullo in se excitato fervore, distracta mente, frigidi oscitantes et quandoque gravioris sibi noxae conscii, angelicum panem sumunt. Hoc est, hoc tentare Deum. Sed ne, tu, sis legis doctor. 2. “Mandatum magnum in Lege” (Mt 22[, 36]). Considera Dominum pensare facta nostra, desideria, voluntates, proposita, labores, iuxta intentionem et secundum eandem praemia dare. Multi multa faciunt praeclara, laudabilia, heroica, sed mala intentione; multa desiderant, sed inutiliter; multum laborant, sed vano respectu. De quibus illud usurpes: “Decepti sunt in adventionibus”, desideriis, laboribus suis135. Exemplo rem disce: legisperitus hic ho135 Cf. Ps 80, 13: “Et dimisi eos secundum desideria cordis eorum, ibunt in adinventionibus suis”.
RkJQdWJsaXNoZXIy MjI2Mw==