539 recollectiones in dominicis Tu, innumera beneficia Dei collata tibi retices: totum mundum a Deo vides nutriri et non miraris; infinitas pauperum, religiosorum variorumque [f.69v] mortalium catervas, imo totum orbem ab eodem quotidie ali, regi, sustentari non obstupescis, non laudas: ille est, qui suis negligentioribus licet servis victum amictumque curat; ille domui huic, quam inhabitas providet; ille famam suorum tuetur, suis nomen facit magnum, comparat auctoritatem, conciliat amorem, honorem tuetur, bona supernaturalia sine mensura largitur, sanitati subvenit, commoditates offert, succurrit unicuique necessitati. Hoc tamen non expendes? non miraberis? non laudabis? tacebis? non digna rependes gratitudine? Dominica VII Post Pentecosten Ante Sanctissimam Communionem Punctum 1. “Attendite a falsis Prophetis” (Mt 7[, 16]). Considera, non tibi cum Prophetis esse rem, sed cum tuis affectionibus, cum tuis sensibus; his tibi esse attendendum, ne boni specie ad mala tartara te praecipitent. Quam falsus propheta visus est, qui honestae rei intuitu mentis internae dehonestat plerumque imaginem! Falsus vates auditus est, qui fabulis quibuscunque patens tot tibi distractiones ingerit oraturo. Falsus propheta gustus est, qui ventris ingluvie pollicens tibi robur corporis, mentis robur, imo utrumque debilitat. Falsus vates tactus est, qui oblectat in praesenti, cruciat in futuro. Falsus denique vates odoratus est, qui respuit viliaquaeque veluti nocitura tibi, veluti profutura suavia acceptat, et utroque decipit te. Attende his prophetis falsis: tu eos, non illi te gubernent ac decipiant. 2. “Veniunt ad vos in vestimentis ovium” (ibid.). Cogitationum tibi hic rectitudo consideranda est, qualitas dis- cutienda. Quoties enim illae, cum faedissimae sint, pulcherrime se in animum insinuant? quo non raro devotionis admissae respectu, impietatis effectum causant.
RkJQdWJsaXNoZXIy MjI2Mw==