523 recollectiones in dominicis Post Sanctissimam Communionem Punctum 1. “Baptizantes eos in nomine Patris, et Filii, et Spiritus Sancti” (Mt 28[, 19]). Considera duo praecipua ad regenerandos homines a Christo Domino esse constituta Sacramenta: Baptismum et Poenitentiam. Utrum [unum]eorum [sit] praestantius, dubites. Baptismus, praecipue in infantibus, tollit originalem noxam; Poenitentia universa post hunc patrata scelera in adultis delet: cuius tanta praestantia simul ac utilitas est, ut secunda post nau- fragium tabula dicatur.100 Quasi primum Sacramentum sit navis, qua ventis lethalium criminum conquassata, qui secundum huic vicinum, nempe dictam naufragantium tabulam arripuerit eamque fortiter amplexus tenuerit ultra dubium aeternitatis portum tenebit. Et illam quidem, tu, hodie arripuisti, quando conscientia rite expiata, etiam viaticum hoc procellosum mundi mare navigantium, sumpsisti. Utinam illam teneas, nec dimittas, ut te in caelesti statione videas! 2. “In nomine Patris, et Filii, ” etc. (ibid.). Expende Deum in personis trinum, essentia unum, ab omni aeternitatis aevo existere: te post conditum universum formatum fuisse, seu nostrum omnium parentem primum, a quo hoc praesens esse nostrum promanat atque illi illiusque posteritati, amplissimam laetissimamque paradisi regionem ad habitandum et mundi machinam ad possidendum cunctaque animantia ad regendum concessa fuisse, omni adempto morti in eum imperio, si mandata Conditoris obsecutus fructum arboris scientiae boni et mali non attigisset. Haec a Sacratissima Triade prima homini exhibita sunt beneficia, quamvis specialiter soli Patri creatio rerum adscribatur. 100 Cf. Tertullianus, De poenitentia, IV: PL 1, 1343-44, n. 1233: “Eam [poenitentiam] tu peccator [...] ita amplexare, ut naufragus alicuius tabulae fidem”. Nota: “Alicuius tabulae. Quando aiunt Patres poenitentiam esse secundam post naufragium tabulam, de secunda et post baptismum poenitentia ...”
RkJQdWJsaXNoZXIy MjI2Mw==