516 inspectio cordis quantas huic optimo Numini grates persoluturus sis, pro vivificatione et Communione cum immensas certe [f.59r] pro redemp- tione a te possit amor extorquere. O si hunc oculis animae sic intuearis, quemadmodum caelestes illi Spiritus intuentur, agnos- ceres profecto, mirarerisque, quis hodie Dominus animae tuae domum intravit. Quid pluribus opus? Deum accepisti: illum, qui te condidit; illum, quem Virgo Mater genuit; illum, quem Hebraei, dilectus populus, in crucem egerunt; quem tartara descendentem ad se formidarunt; quem sancta Genitrix, discipulae discipulique miro cum gaudio redivivum salutarunt; quem denique, tota ei procedens obviam, caelorum phalanx, nubea sede ex oculis mortalium subduxit et ad usque Paternam dexteram supervexit. Unde Spiritum Sanctum consolatorem, magistrum, veritatis testem, post decem et quinque dierum spatium ad suos delegavit.94 Et equidem hic susceptus a te Deus Iudex tuus olim futurus est; quem si indigne suscepisti, time; si susceptum tractes indig- ne, cave. Super omnia vero adhibe curam, ut tantum amorem pari amore, vel, certe, quali tua vilitas permittit, et Patri aeterno, qui Filium pro te dedit mactandum et aeterno Filio, qui se morti ob salutem vitamque tuam devovit, compenses. 2. “Sed habeat vitam aeternam” (ibid.). Expende, Deum nulli animae damnationis esse causam, ex his ipsissimis Verbis, praeter Prophetae testimonium dicentis: “Perditio tua aex tea, [Os 13, 9]: quinimo omnium concupisse salvationem, ob quam Unigenam suum tradidit crucifigendum; et in dies concupiscere, quandoquidem non alia de causa poenitentiae, atque Eucharistiae ab eo sacramenta sunt instituta, quam ut ii, qui post Baptismi lavacrum, ubi omnes maculas animae abluerant, iterum naevos aliquos et sordes seu lethalium, seu venialium culparum contraxerunt, per horum usum ac decentem frequentationem expiari possint ac mundari. a-a om. “ex te” (BSV) 94 Revera missio Spiritus Sancti locum habuit decimo die post Ascensionem.
RkJQdWJsaXNoZXIy MjI2Mw==