505 recollectiones in dominicis Dominica Infra Octavam Ascensionis Ante Sanctissimam Communionem Punctum 1. “Cum a venerit Paraclitus” (Io 15[, 26]). a add. “autem” (BSV) Triplici ex causa venire ad nos Spiritum Sanctum perpende: 1) ut accendat; 2) ut consoletur; 3) ut arguat. Accendit frigidos ac tepidos, quo ferventius in via virtutis progrediantur. Solatur afflictos, quo maiorem ipsius circa se curam ac bonitatem sentientes, magis Deum clementissimum diligant. Arguit inobse- quentes, peccatores, scelestos, quo celerius resipiscant, prava gesta abiciant, mendacium devitent, veritatem complectantur. Petes tu Spiritus Sancti gratiam semper in te requiescere, ut, si intepescas, ab hac accensus ferveas; si maerore conficiaris, ab hac solatium referens in praestantiores divini amoris actus prorumpas; si a via virtutis, studioque veritatis deflectas, ab hac es reductus et reprehensus possis dicere: si Dominus non adiuvisset me, si non corripuisset, parum abfuit, quin mansisset in inferno anima mea.82 Ac deinceps fortius assurgens continenter viam mandatorum Dei valeas decurrere. 2. “Quem ego mittam vobis” [ibid.]. Considera omnem spiritum esse mendacem qui non mittitur a Christo. Talis fuit in ore prophetarum regis Samariae83, talis in modernorum linguis haereticorum: qui novas doctrinas serunt, nova confingunt evangelia, veterum traditiones, scripturas dogmataque iam inde ab ipsis initiis Christi in Ecclesia usurpata rei- ciunt, falsitatis magistri. Horum spiritus est mendacii spiritus, non a Christo ipsa Veritate missus, sed a Patre mendacii cacodae- mone instillatur. Gratulare tu tibi, quod cum Patriarchis, Prophetis, Apostolis verum Spiritum habeas, gratiasque magnas age optimo Numini 82 Cf. Ps 93, 17: “Nisi quia Dominus adiuvit me: paulominus habitasset ...”. 83 Cf. 1 Reg. 22, 6-12.
RkJQdWJsaXNoZXIy MjI2Mw==