503 recollectiones in dominicis Sed tu praesenti spatio temporis tibi aeternae Sapientiae providentia ad orandum designato exercebis te in gratiarum actione; partim pro aliis innumeris beneficiis, puta creationis, conservationis, iustificationis, Redemptionis, illuminationis et utriusque vocationis; partim pro hoc copiosissimo sacrae refectionis munere instituendae. Etenim vides quam tuam animam hodierno die sua in mensa lautissime tractarit. Nec dubita, si gratissime praesentem favorem acceptaris, pro eoque dignas grates persolveris, multos tibi insuper a Domino conferendos. Omnis namque gratiarum actio ad maiorem Dei optimi maximi dona recipienda et charismata obtinenda hominem disponit. Qui gratibus supremum Numen exornat, debitorem sibi facit certissimae pensionis.80 2. “Si quid petieritis” (Io 16 [, 23]). Plurima caelestis Magister docuit Apostolos post suam resurrectionem priusquam se eorum conspectui subduxisset triumphans ascendens in altum. Sed inter alia, primam illis artem, studiumque orandi commendavit: prudenter sane, et non sine magna futurorum consideratione. Praeviderat enim cruces eorum, persecutionesque venturas; atque alia multa malorum genera, ad quae vel tollenda, vel toleranda nihil convenientius esse sciens oratione, illam cumprimis, idque in Nomine suo faciendam, docuit. Et qua- si unicum hoc omnium calamitatum ac nacessitatum remedium, tum rationem omnis perfectionis, cognitionisque suae assequendae, illis reliquit: ut orarent. Tu, post hodiernam contractam cumDeo amicitiam tibi orationem maxime esse necessariam persuadebis: hac anchora suffultus per omnes secure tempestates transfretabis: hoc clypeo armatus, per ignem et aquam, per mille mortis pericula illaesus transibis; hoc comite associatus multis obsitam latronibus et perfectionis, et aeternitatis viam sine ullo discrimine carpes. Cui vero magis convenit quam Religioso, quam tibi assiduitas orationis? [f.54r] 80 In ms. graphice haec verba indicantur uti allegata, sed videtur quod in hoc casu sunt verba auctoris sic graphice expressa uti maioris momenti. Sic etiam intelligenda sunt verba textus infra crassioribus litteris impressa.
RkJQdWJsaXNoZXIy MjI2Mw==