494 inspectio cordis Eia, et vos [f.49v] diligentissimi laboratores, perfectionis vest- rae amantissimi religiosi, diebus noctibusque mihi in lachrymis, anxietatibus, mortificationibus diversis sedulo placere studentes, bono animo estote, quamvis vobis me non[n]ihil subtraxerim, in multas vos tribulationes ac tentationes irruere permittendo; iterum tamen, dico vobis, modicum et videbitis me: brevi lugebitis aeternum laetaturi; brevi laborabitis, aeterna praemia accepturi; brevi pugnabitis, immortali lauro coronandi. Namque non multo abhinc tempore, visitabo ego vineam meam et unicuique promeritum denarium elargiar; elargiar, inquam, vobis, fideles mei prudentesque servi, quos constitui super familiam meam, post modicam afflictationem, brevem huius saeculi finem, sempiternam visionem meam et nunquam finienda bona, thesauros, voluptates, in hac visione collocatas. Tu, itaque stude bonum certamen certare, ut coronam iustitiae accipias; huncque in modum Christum sequi, ut eum assequaris; assecutus, non solum in hac sacra Communione, verum etiam in caelesti beatifica visione illo perfruaris. 2. “Vado ad Patrem” (Io 16[, 17]). Tu quoque considera, te ad Patrem ire, cum sacram Christi mensa maccedis, non ad Iudicem. Et eum quidem ad Patrem, qui te veluti prodigum filium laetissimo animo suscipiens plenis ulnis amplectetur iubebitque afferi stolam albam tuae innocentiae, quam tibi in hoc sanctissimo convivio restituit. Pascet te post famem diuturnam, siliquas porcorum, non carne vitulorum aut aliorum armentorum, sed proprio corpore. Revertere ergo ad Patrem tuum, revertere; quid in regione longinqua passionum cum affectibus a summo Bono abalienatis peregrinaris? Vade ad Patrem! Christus vocat te, perge! Si ob dispersam tot illius bonorum substantiam tibi metuis, si confunderis, bene est: hic primus ad eum accedendum patet gradus, timor et confusio; quibus, quanto maiorem de peccatis dolorem ac poenitentiam adieceris, tanto gratior hospes apud sanctissimum Patrem tuum futurus es. [f.50r]
RkJQdWJsaXNoZXIy MjI2Mw==