490 inspectio cordis “Venite, ait, ad me omnes, qui laboratis, et onerati estis, et ego reficiam vos” [Mt 11, 28]. a om. “oves” (BSV) b “te” (BSV) Quam sedulam ipsius tutelam adhibeat propugnationemque optime nobis Propheta Rex indicans:”Angelis suis”, refert, “mandavit de te, ut custodiant te in omnibus viis tuis” [Ps 90, 11]. Quin ipse gregi suo presentissimam offerens custodiam ac defensionem: “Ego”, ait, “vobiscum sumc usque ad consumationem saeculi” [Mt 28, 20]. At ubi? in sacratissima Eucharistia. c add. “omnibus diebus” (BSV) O gratulare tibi, anima mea, tam diligentem, beneficum optimumque pastorem; illum nunc cum amore adi, vocem illius audi, illique obtempera. 2. “Sum Pastor bonus” [ibid.]. Considera, quod se verissime, iustissimeque Pastorem bonum dicat [f.48r] Redemptor custosque noster assiduus Christus Iesus. Nam si nemo est, qui Davidi Iessidae[s] optimi Pastoris nomen non attribuat, ex eo saltem, quod rapientes paternum gregem feras, ursum leonemque insecutus dilaniabat: de quo ipse gloriatus: “Veniebat,” inquit, “leo, etd ursus, et tollebat arietem de medio gregis, et persequebar eos, et percutiebam, eruebamque de ore eorum; et illi consurgebant adversum me, et apprehendebam mentum eorum, et suffocabam, interficiebamque eos” (1 Reg 17[, 34-35]). d “vel” (BSV) Iam bonus Pastor erat David. Sed melior tuus Iesus, qui a feris infernalibus gregem Patris sui, imo suum, (quoniam ipsi omnia cum Patre communia) rapi ad tartara videns eis sese obiecit, eo cum maiore erga oves suas amore, quo cum graviore vitae suae, quam amisit, periculo. David enim haedos agnosque paternos ex ore ferarum eripiendo nihil discriminis vitae subivit. Sed Christus Dominus gregem suum stygiis belluis vel subtrahendo, vel vi auferendo, mori pro illo, ne ille moreretur, voluit. O vere Pastor bonus!
RkJQdWJsaXNoZXIy MjI2Mw==