475 recollectiones in dominicis immutari, transformari; ut ex carni serviente, spiritui subiectissima reddatur; ex sensualibus rebus dedita, mortificationum amatrix; ex variis passionibus obnoxia, multarum virtutum cultrix; ex ariditatibus siccitatibusque afflictata, devotionis gratia caelestibusque solatiis abundans fiat; tum ex fastuosa humilis, e rebelli obtemperans, e mundi sectatrice Dei sectatrix efficiatur: haec sunt effecta Sanctissimi Sacramenti; haec certissima divinae gratiae sig- na in homine permanentis operantisque. Quodsi tu aliter hodie affectus es, aliter turbaris et commoveris; bilis, vel invidiae inflaris tumore, mulceri cupis et blandimentis deliniri, mundi vanitatibus addictum te esse, aut nondum plene ab iis cor tuum avulsum sentis, crucem quantulamcunque refugis, voluntati divinae trepidas te, seu non vis resignare, credito a te instar Pharisaeorum, non instar gratulantis ac tripudiantis turbae Christum Dominum exceptum esse. Quare errorem hunc quantociius emendato. Dominica Resurrectionis Domini Ante Sanctissimam Communionem Punctum 1. “Valde mane una sabbatorum venerunta ad monumentum” (Mc 16[, 2]). a “veniunt” (BSV) Expende verissimum amorem piarum faeminarum, Magdalenae et alterius, quo ardebant erga Iesum. Primo enim consideranda hic est illius celeritas: quod videlicet valde mane proripuerunt sese ad sepulchrum. Unde discenda in actionibus Dei amore susceptis velox executio. Amor quippe, cum verus est, vehementia caloris sui omnem desidiam somnolentiamque in amante exurit. Celer amor est, morae impatiens; tarditatem odit, nihil agit pedetentim, omnia impigre conficit; alatus Pegasus60 amor est. Sed vide, tu, 60 “Pegasus” est nomen equi alati (e historia fabulari Graeca). Hic adoperatus est uti symbolum celeritatis, quia gratia alarum multum celerius moveri potest quam equus normalis. Cf. Parandowski, Mitologia, pp. 11. 203. 217.
RkJQdWJsaXNoZXIy MjI2Mw==