463 recollectiones in dominicis in admirationem tanti facinoris raptae sunt, etiam te hodie turba- caelestis a admirabitur postquam gratum sacrae communionis advertet, et beneficiaDivina loquentem, praedicantemque non solum trutinantem, audiet. a in ms. legitur hic denuo “turba”: verbum repetitum ob inadvertentiam Nam cum plurimi fortassis die hodierna eodem beneficio cumulati tecum sint, plerique autem eorum extemplo a sacra mensa ad prophanam[=profanam]; a calice salutis ad voluptatis scyphos conversi; plurimi negotiis variis saecularibus immersi; plurimi negligentiae sopore obruti, gratias nullas immenso Maecenati retulerunt. Tu, si instar unius ex decem sanatis gratissimi hominis57 tanto pro munere grates repones debitas, necessario caelites in stuporem adduces. Et profecto multum temporis gratiarum actionibus teneris, tu, insumere: qui propior Domino, a saeculo alienatus et segregatus es; nec ullis impedimentis variarum tractationum implicaris, ita, ut neque asassiduae gratiarum relationi operam diligentissimam impendere. [f.35r] 3. “Alii tentantes, signum de caelo quaerebant” (Lc 11[, 16]). Ne, tu occasionem tentandi Dominum habeas, ecce tibi miraculum omnium miraculorum maximum, seipsum in sacratissimo Echaristiae sacramento reliquit: quod continuum in orbe inter fideles est divinae bonitatis, simul et amoris ac omnipotentiae monimentum. Ad quodquoties maeres, si accedas, nunquid non reportas solatium? quoties tentaris, si te sistas, nunquid non liberaris? quoties gratia, aut aliqua ope indiges, si huic Domino sub panis tegumento latenti supplices, numquid non accipis? Lumen vis? ab hoc pete, dabit tibi; vires ad laborandum in agro caelestis Patrisfamilias rogas? conferet. Regnum aeternum expostulas? ne dubita illuc te ab eo deduci. Modo haec universa ita petas, ne tentari a te Regum potentissimus, optimus sapientissimusque videatur. 57 Cf. Lc 17, 15-18.
RkJQdWJsaXNoZXIy MjI2Mw==