460 inspectio cordis quietem dulcissimam, per dolores anxietatesque maximas ad refrigerium summum, per mortem ad vitam eluctandum tibi esse scias. 3. “Hic est Filius meus” (Mt 17[, 5]). Quem Pater aeternus in monte discipulis demonstravit, eundem a te susceptum esse considera. O charitatem Dei immensam! Apostolis Filium revelat, ne forte mirabilia et ignominiosissima quaeque circa illum geri videntes eumque turpissimam obire mortem intuentes, in fide vacillent, aut scandalum accipiant. Tibi vero eum dedit sumendum, ut scandalum omne a te avertat, famam tibi honestam [f.33v] nomenque bonum procuret, te nutriat, sustentet, dirigat, adiuvet, ducat ad felicissimam aeternitatem. Adverte diligentissime quanto amore te complectatur! quantam tui habeat sollicitudinem, quam sese tibi bonum, imo ipsam bonitatem exhibeat! Et tu, non amabis solum tam sapientissimum, clementissimumque Dominum? non illi fideliter, sincere, perseveranterque servies? Dominica III Quadragesimae Ante Sanctissimam Communionem Punctum 1. “Eiiciens daemonium” (Lc 11[, 14]). Considera, ideo tibi hoc Evangelium ab Ecclesia hodie propositum esse ad considerandum, ut agnoscens beneficium et omnipotentiam Domini in hoc eliberato obsesso a cacodaemone, petas humiliter eiusdem Domini et beneficio et opera ab omni salutis sempiternae impedimento liberari et a malorum spirituum technis servari. Omneque illud, quod in te extra religiosum spiritum et statum tuum non concernens neque decorans invenitur, daemonis mali esse cognoscens, Christo supplices, ut a te auferat, nempe tam pravas voluntates, quam vitiosas actiones. Et cum tabernaculum cordis tui fuerit ingressus, ita illud purificet, sicut domum Zachaei; hoc in te faciat, quod quondam in Zachaeo fecit, nempe, quemadmodum ille Dominico adventu contritus, quidquid per illicitos quaestus opum ac facultatum
RkJQdWJsaXNoZXIy MjI2Mw==