457 recollectiones in dominicis certamina, ut multiplicentur triumphi: propterea geminantur pug- nae, ut geminentur coronae; Atque idcirco te ad Sacram mensam tam frequenter Dominus admittit, utfortior contra frequentiores insultus hostium efficiare. Dominica II Quadragesimae Ante Sanctissimam Communionem Punctum 1. “Assumpsit Petrum, et Iacobum, et Ioannem” (Mt 17, 1). Considera propterea hos tres discipulorum in montem Thaboreium a Christo acceptos fuisse atque ductos, ut ilius gloriosissimae Transfigurationis gloriam cernentes, ignominiam et turpissimum mortis genus in Golgotheo vertice non perhoresceent omniaque difficilia sui Magistri amore ac exemplo, ob gloriam caelestem, cuius aliquam partem hac in Transfiguratione iam viderunt, facillime aggrederentur et mortem ipsam, quamvis adeo atrocem, quod utique fecere, subirent. [f.32r] Ita et tibi ab eodem Domino toties in sanctissimo Eucharistiae sacramento gloria illius exhibetur, suavitas mellitissima propinatur, deliciae internae suggeruntur, ideo, ut libentiori animo fortiorique, cum haec tibi subtracta fuerint, cum te summa desolatio invaserit, quosvis labores subeas perferasque; quamvis crucem, licet gravissimam arripias et baiules. His enim te favoribus suis ad se suamque crucem Dominus allicere vult, ut, postquam gustaveris, quam suavis ille sit, nihil tibi mundani extra eum putes esse appetendum, nihil ardui animoque tuo repugnantis pro gloria eius fugiendum ducas. 2. “Petrum, Iacobum, et Ioannem fratrem eius” [ibid.]. Voluit hos Apostolos Dominus spectatores habere suae gloriae, ut simul essent portitores crucis; voluit simul eos divinae suae Transfigurationi adesse, ut simul communibus viribus vires orci expugnarent et loliis lappisque, hoc est dogmatibus gentilium, astu cacodaemonis satis sparsisque per orbem, extirpatis, toto
RkJQdWJsaXNoZXIy MjI2Mw==