456 inspectio cordis Sed maximaee refectus frequentius sacratissimo caeli ferculo, pane, inquam, angelico gratiaeque istius benignissimi Numinis atque gratiarum actionis memor, omnem vim et validissimum impetum tentatoris et bellatoris stygii superaturus elusurusque es. e in ms. erronee: “maximae” 2. “Dic ut lapides isti panes fiant” (Mt 4[, 3]). O insaniam mali Spiritus! Lapides Christo homini offert, ut illius divinam omnipotentiam experiatur! Si Deum sentit, cur tentat? Si ex humilitate fragilem humani corporis testam ab eo assumptam cognoscit intueturque, cur eum ad fastum incitat? Tibi, tibi hic doctrina traditur; ne nimiumde tuis viribus praesumas, etiam praesentissimo Sacramento communitus: ne securitatem tibi pollicearis, quamvis tot dotibus et donis supernaturalibus cumulatus; sed semper vigiles, semper ores, ne in invi[n]cibilem intres tentationem. Non multa siquidem scientia, aut experientia, vel mortificatione, superatur orci tentator, sed sensuum custodia, gladio orationis, magna in Deo fiducia, patientissima humilitate humillimaque patientia fugatur, repellitur, tryumphatur. 3. “Tunc reliquit eum diabolus” (Mt 4[, 11]). Considera perseverantiam diaboli in oppugnando Christo et Christi fortitudinem in repellendo diabolo eique resistendo. Non relinquitur Christus oppugnari, quamvis primo conflictu robustissimum telum in pestilentissimum adversarium expromat. [f.31v] Ex quo, tu, conicere potes, continuam tibi esse foreque cum hoc eodem hoste pugnam. “Militia” enim “est vita hominis super terram” [Iob 7,1], inquit Iobmiles probatissimus. Et prout quidam interpretantur: tentatio est vita hominis super terram. Quare ab una leviori ad alteram tentationem maiorem animum praepara. Nam, “una,” inquit religiosus vir, “tentatione [...] recedente, alia supervenit”,53 et saepe gravior. Tu tamen, ne caede malis, sed contra audentior ito; quamvis tota vita nullam pacem nanciscaris. Ideo quippe multiplicantur 53 Thomas à Kempis, De Imitatione Christi, p. 32: lib. I, c. 13, §10.
RkJQdWJsaXNoZXIy MjI2Mw==