443 recollectiones in dominicis aa “centuplum accipiet, et vitam aeternam possidebit” (BS) b in ms. postea ab ignoto lectore correctum est in “sulcant” Tu, cum Filius Lucis sis aeterna bona negliges? vitam immortalem exiguis laboribus non studebis comparare? torpesces? Scito, quod “Regnum caelorum vim patitur; et violenti rapiunt illud” [Mt 11, 12]: heroes, non asini; non desidiosi, sed laboriosi. 3. “Misit eos in vineam suam” (Mt 20[, 2]). Effinge te esse constitutum in aliqua vinea, ubi non pauci mortalium assiduis laboribus invigilant et sese exercent: hic terram fodit, ille purgat surculos; alter vites operit, alter irrigat. Talem esse vineam caelestis Domini, Ecclesiam orthodoxam adverte, in qua innumeri operarii continuo operantur et sudant. Hic docet, ille facit; alter verbo Dei agrum animarum fidelium faecundat; alter a sordibus, peccatorum scilicet per administrationem sacramenti [f.24v] Poenitentiae, emundat; nemo quiescit: invicem omnes operantur et per varia charitatis ad perfectionem opera tendunt, hoc unicum satagentes, ut vinea Domino uberrimos fructus afferat, qui eum exhilarent et consolentur. Et te non pudebit in tanta laborantium copia solum esse otiosum? Frustrane panem caelestem caelestis Domini et hodie sumes? Post Sanctissimam Communionem Punctum 1. “Quod iustum fuerit dabo vobis” (Mt 20[, 4]). Time, anima mia, strictissimum rigorem divinae iustitiae et pro tuis negligentiis poenas ingentes metue. Audis, quod secundum aequitatem solutionem operis promittat, ita, ut qui bene diligenterque suis laboribus perfunctus fuerit, praemium aeternae vitae relaturus sit: qui vero negligentissime vineam ipsius excoluerit, et potius novis sordibus, puta scandalis ac malo improbae vitae exemplo, eam infecerit, hic poenas aeternas, aut saltem gravem purgantium flammarum castigationem merebitur. Studebis igitur et dabis operam, ut tui labores Domino placeant et tibi quoque merces pro illis data non displiceat atque salutaris sit.
RkJQdWJsaXNoZXIy MjI2Mw==