429 recollectiones in dominicis experiri, quam sensibili devotione affluere nectareque caelesti suavissimo potari. 2. “Implete hydrias aqua” (Io 2[, 7]). Non est dubitandum quin aquam cordis tui, hoc [f.16v] est lachrymas, in amerum meruma Dominus conversurus sit, si tantum illa hydrias impleres; si tam copiosas effunderes, ut peccatis tuis sufficerent abluendis. Si denique cum rege peccatore et more poenitente, lavares per singulas noctes lectum tuum et lachrymis stratum tuumc rigares31, tunc profecto dulcescerent fluctus cordis tui; et arida eiusdem terra singulares Virtutum fructus produceret. a-a Dum “merum” est vinum purum, “merum merum” est evidenter superlative: vinum purissimum (si unum “merum” est nomen adiectivum: purum). Sic e.g. legitur in Auson. epigr. 20 de Meroe anu ebriosa: “Potare immixtum sueta merumque merum”. Ergo non est erronea repetitio verbi. Solenne enim est, ut quas spirituali homini undas amara peccatorum recordatio elicit, eas in suavissimum nectar divina bonitas convertat et ingens in animum dulcedo illabatur. 3. “Quodcunque dixerit vobis, facite” (Io 2[, 5]). Quemadmodum ad perficiendum hoc miraculum Canense dis- cipulorum obsequium, et obedientia requisita est, ad quam illos Mater sanctissima, intellecta omnipotentis Filii sui voluntate, hortatu suo stimulavit; ita ad omnia opera, quae divina gratia in te ac per te actura est, ad omnes gratias, quas tibi summus Dominus est collaturus, requiritur tuae voluntatis consensus, tua concurrentia et cooperatio. Quid enim ille per te boni efficere potest, si tu, ordinationi ilius, nutuique resistas? Quid tibi demandare, committere, inspirare, si ad parendum non sis dispositus, et exequendum? Restat ergo, ut, si caelestibus nuptiis gaudere velis, discas tuam voluntatem illius conformare; sique regnare cum illo optimo Numine perenni aevo, illo in Regno, quod paratum est a Patre 31 Cf. Ps 6, 7.
RkJQdWJsaXNoZXIy MjI2Mw==