418 inspectio cordis disponi opus est, isto, quod tibi corde in tuo perorat, Verbo, per poenitentiam ad eiusdem Verbi adventum mortales iudicaturi. Ubi poenitentiae dediti homines laetissimo pectore, serenissimo vultu, illum Iudicem aspicient: nam licet visuri sint peccata sua in conscientia, tamen amplius minime eorum causa suffundentur, erubescentque; sed deleta baptismo poenitentiae intuiti, mira lae- titia exultabunt. 3. “In remissionem peccatorum” [ibid.]. Si Ioannis baptismi lavacrum Hebraeos ad indulgentiam peccatorum obtinendam, aut petendam disponebat; longe efficacius est sanctissimum Domini nostri corpus ad eandem consequendam: ibi servus flumine corpora abluebat, hic Dominus sanguine animas purificat; ibi operabantur verba praedicantis, hic operantur virtutes permanentis in te Christi. Ioannes ad veniam culparum petendam populos mira dicendi gratia et efficacia excitabat, et per fructus poenitentiae consecuturos illam rebatur. Christus, quem suscepisti, ipse tibi e cathedra cordis perorat, ipse animat ad poenitentiam, ipse dimittit scelera, ipse dat veniam, ipse indulgentiam [f.11r] confert. Quare, ut regratifices tuo Domino, fac dignum fructum poenitentiae et te amore eius, in quibusdam, praesertim proprio iudicio, cupiditatibus pravis, voluntate perversa, mortifices, aliquid de tuo tantae Maiestati condonans. Dominica Infra octavam Nativitatis Ante Sanctissimam Communionem Punctum 1. “aErant Ioseph, et Mariaa mirantes super his, quae dicebantur de illo” (Lc 2[, 33]). a-a “erat pater eius et mater” (BS) Mirabatur Sancta Mater cum tutore Sancto coniuge verba Simeonis et prophetiam de unico Dei et suo prolatam. Tu admirare tuam ineptitudinem et inhabilitatem in spiritu progrediendi. Nam neque aliorum consilia amplecteris, neque ductum divinorum instinctuum sequeris, quoties, vel ad tui abnegationem traheris,
RkJQdWJsaXNoZXIy MjI2Mw==