372 prodromus reginae artium – excerpta Claudimur aeratis circum undique et undique muris, Ferratasque ligant vincula mille fores. Obsidet hospitium gravis illaetabile moeror, Et socia aeternus cum legione dolor. [p. 81] Intus agit picei rogus atra volumina fumi, Sulphureamque domus tota Mephitin alit Ignea densatis in aheno carcere flammis Regnat, et Aethneo plus furit aura foco. Urimur hoc semper, semperque renascimur igni; Quoque necesse mori est, non licet igne mori. Pergite crudeles, Vulcania tela, favillae, Vosque nimis segnes in mea fata faces: Pergite reliquias miserandae abrumpitea vitae: Accelerata duplum mors mihi munus erit. a “abrumpere” (BHE) Verum ego quid flammas, et ineluctabile tento Excidium votis sollicitare meis? Stant rata perpetuis incendia legibus: omnes Aeternum in surdo perdimus igne preces. Ille meos ambit piceata lampade manes, Estque mihi Tyrii630 velleris ille vicem. Quos prius Eois digitos incendere gemmis Mos erat, hos taedis ustulat ille suis Aurea cingebat teretes armilla lacertos, Nunc ignita pari pondere massa ligat. Hic, ubi deformi pendet mala vipera nodo, Ante mihi ex auro pendula torquis erat. Quid miserum Tyrio bis cocta fefellit aheno Purpura, Quid Coa631 stamina ducta colu, Si mihi purpureo fuit emptus hic ignis amictu? Emptaque si Coo stamine flamma fuit? 630 Tyrius, -a: Tyrus – “Tyre, a city of Phoenicia, famous for its purple” (CLD) 631 “Coa vestis..., sive substantive Coa..., subtilissimum erat vestis genus ex bombyce, adeo tenue, ut corpus pelluceret, dictum a Coo insula, in qua Pamphila Platis filia vestem huiusmodi prima contexit” (CLL).
RkJQdWJsaXNoZXIy MjI2Mw==