346 prodromus reginae artium – corollarium 10. Nunc siquidem nullus absque conviviis triumphus, ad lachrymis licet conditas epulas, humanissime invitat. Nonus Modus Praeponitur axioma, vel sententia, vel apophtegma, vel symbolum, vel hieroglyphicum, vel eruditio, vel dictum seu factum alicuius sapientis, quod a re non sit alienum; deinde breviter explicato res applicatur ea fere ratione, quam superius modo septimo exposuimus. Sit exemplumOrationis funebris praecedenti respondentis, qua nomine hospitum et amicorum orator orbato fratre fratri condolet. Huius talis cum Inventione dispositio. In prima parte ponitur et explicatur symbolum Henrici II. Borbonii Navarrae Regis. [p. 61] n.1.2. In secunda parte ad defunctum sit applicatio. n.3. Probatur id, quod applicatum est, ratione n.4.5. Tandem facta Apostrophe ad Fratrem et amicos occisi militis, venitur ad conclusionem: in qua lenitur dolor, officia deferuntur. n.6.7.8. ELOCUTIO [1] Profundissimae arcanum sapientiae suo symbolo Rex Navarrae Henricus agnomine II591 involverat, M[agnifice] D[omine] N. Pingi enim putridum mortui hominis caput, et super hoc serpentem, volebat, addito lemmate: Te nunquam timui. 2. Egregium sane regium hoc inventum est, quo non aliud innuit, quam nihil se unquam minus timuisse morte. 3. Fortissimus vir, unice dilectus M[agnificae] D[ominationis] V[estrae] rectissime hoc symbolum poterat usurpasse, meritoque mortem sic alloqui: Te nunquam timui. 4. Sciebat enim a Marte se non nisi ad mortem vocari: nullibi Parcas uberiorem quam in Bellonae592 campo habere messem: in 591 Cf. Anon., s.v. Enrico II re di Navarra (1503-1555): EI XIV, 28, ubi tamen nulla informatio de eius symbolo datur. 592 Parca “a goddess that allots his fate to each...; Parcae the three Fates”; Bellona “the goddess of war” (CLD).
RkJQdWJsaXNoZXIy MjI2Mw==