299 inventio, dispositio, elocutio pc. Ubi istam accepit? in Religione. t. Prodeat insuper Angelico Thomae Seraphicus Bonaventura aequalis tempore, pietate, eruditione; cuius doctrinae plusquam [p. 10] humanae uberrimis fontibus non solum D. Francisci irrigatur Familia, sed omnium religiosorum ac saecularium Academiarum sitis etiamnum domatur. pc. Ubi et hic doctrinam acquisivit? in Religione. t. Prodeat ultimus ordine, sed nequaquam scientia ultimus, subtilissimus ille divinarum rerum magister, ac beatissimus magistrorum Ioannes Scotus, qui habitu, moribus, doctrinaque suum Bonaventuram aemulatus tanta scientiarum monimenta orbi exhibuit, ut non inter paucos de theologico principatu, illine an Aquinati sit conferendus, honestam litem moverit. pc. Ubi quoque iste scientiam paene divinam assecutus est? in Religione. 20. b. Praetereo doctissimum Rupertum Tuitiensium Abbatem, qui suam admirabilem doctrinam Sedi Matrique Sapientiae, Virgini Beatissimae in religiosa ab ea sibi propinatam solitudine refert in acceptis493. q. Non produco Cornelium, interpretem Sacrarum Literarum sagacissimum ac nulli secundum, qui sapientissime conscriptos in Sapientis axiomata commentarios eidem Virgini Optimae Maximaeque consecrans: “Mare”, inquit, “Sapientiae et Gratiae es tu, o Maria Mater nostra! ad te ergo flumina sapientiae, quae in nos effudisti, regrediantur, ut iterum fluant”494. u. En ut refundit in oceanum scientiarum dogmata sua rursus hausturus. t. Quis alios infinitos religiosae vitae sectatores enumeret, qui non tantum beneficio Dei, sed quodammodo ex iustitiae vi tam 493 Cf. Piolanti A., s.v. Ruperto di Deutz (Rupertus Tuitiensis): ECat X, 14461447: Teologo e abate benedittino (ca 1075-1130). “Scrittore di sorprendente fecondità.”Cf. Bernards M., s.v. Rupert v. Deutz: LThK IX, 104-105: “Kennzeichend für die Mariologie Ruepts sind der Begriff der geistliche Mutterschaft und die Deutung der Braut des Hohenliedes auf Maria”. 494 Cf. Cornelius à Lapide, Commentarius... in Librum Sapientiae, Antverpiae 1638, 167: “ipsa [B.Virgo] enim est mare sapientiae” (c. 7), sed non inveni talem actum “consecrationis”.
RkJQdWJsaXNoZXIy MjI2Mw==