235 caput vii: de tertia elocutionis virtute: dignitate Octo modis fit: a. Cum ponitur pars pro toto, e.g. puppis, vel prora pro navi. Virgilius: “Ancora de prora iacitur, stant litore puppes”312. b. Totum pro [p. 144 dupl.] parte, e.g. Fons pro Aqua, ignis pro scintillis. Cicero: “Lapidum conflictu atque tritu elici ignem videmus”. c. Unum pro pluribus, e.g. Miles pro exercitu, hostis pro hostibus. Martialis: “Venit et epoto Sarmata pastus equo”313. d. Pro uno plura, e.g. Nos pro ego, Oratores pro Oratore. Cicero [In Pisonem, c.24, §58]: “O stultos Camillos, Curios, Fabricios, Collatinos, Scipiones, Marcellos, Maximos!” e. Species pro genere, e.g. Boreas pro quovis vento, Noricus ensis pro quovis ense. Horatius [Carmina I, 1]: “Luctantem Icariis fluctibus Africum”. f. Genus pro specie, e.g. Fera, pro leone, vel urso; Ales, pro aquila. Ovidius [Tristia IV, c. 3, 1-2]: “Magna minorque ferae; qua- rum regis altera Graias, altera Sidonias, utraque sicca, rates”. g. Consequens pro antecedentibus, e.g. Fumus pro igne, nox pro occasu, dies pro ortu. Virgilius [Ecloga I, 83]: “Et iam summa procul villarum culmina fumant”. h. Antecedentia pro consequentibus, e.g. Aurora pro die; vixerunt pro mortui sunt; occubuit pro expiravit. Statius: “Longeque diem, vitamque reliquit”314. Hic tamen Tropus aliqua ex parte frequentior est Poetis, quam Oratoribus. 5. Metonymia, sive Hypallage, Lat. submutatio, est, cum res una pro alia intelligitur. Fit sex modis: a. Causa substituitur pro effectu, aut, inventor pro re inventa usurpatur, e.g. Bacchus pro vino, Ceres pro pane, Cicero vel Plato pro suis scriptis. Virgilius: “Aulai in medio libabant pocula Bacchi”315. 312 Virgilius, Aeneis, l. III, v. 277: Opera, Lipsiae 1844 (VOL), 157. 313 Martialis, Ep. De gentium confluxu. et congratulatione: op.cit., 6. 314 Statius, Papinius, Thebaidos, l. VI, §881: Opera, Oxonii s.a., p.n.n. 315 Virgilius, Aeneis, l. III, v. 354: VOL, 159.
RkJQdWJsaXNoZXIy MjI2Mw==