224 prodromus reginae artium – pars ii Ionicus minor ex pyrrhychioet spondaeo, ut: venerantes. Proceleusmaticus ex duobus pyrrhychiis, ut: relegite. Dispodaeus ex duobus spondaeis, ut: confirmavi. Diiambus ex duobus iambis, ut: serenitas. [p.135] Dichoreus ex duobus choreis, ut: edocere. Choriambus ex choreo et iambo, ut: caerulei. Antispastus ex iambo et chreo, ut: perennatis. Dochimus ex bacchio et iambo, ut: reluctantium. Ultimo invenitur quidam pes, ut ita dicam Pyrrhychanapaestus, qui ex pyrrhychio et anapaesto componitur, ut: tremefacerent. 5. Hi pedes in usu Oratorum sunt, et invicem sibi permiscentur, quamquam alii principio, alii medio, alii fini sunt aptiores. Principio itaque hi pedes accommodantur: Creticus geminatus, creticus cum spondaeo, anapaestus cum cretico, molossus celeriori pede temperatus, dochimus geminatus, dichoreus spondaeus et dochimus, spondaeus cum anapaesto, tribrachis cum cretico, iambi duo cum spondaeo. In medio sunt hi pedes secundum rei exigentiam adhibendi. Si celeriter aliquid exprimendum est, dactylis, anapaestis, iambis, pyrrhychiis, tribrachibusque utendum; si gravius quidpiam ac sedatius dicetur, tardiores pedes usurpandi. In conclusione denique hi pedes locum habent: choreus cum spondaeo, tribrachis cummolosso, choreus cum dispondaeo, poe- on tertius, epitriti omnes, ionicus minor, antispastus, bacchius cum iambo. 6. Cavendum vero est, ne in versum periodus desinat, neque in hoc raritas Oratorisa imitanda. a “Ciceronis” (II ed.) Et quoniam ad numerum oratorium (quamvis potius ad dignitatem) Periodi spectare videntur, quae sunt Elocutionis optima atque nobilissima pars, quamque ego plurimum commendo non ignarus, oratorum nomen eos non mereri, qui hac parte non excellunt, idcirco hoc praesenti capite qua potero diligentia maxima hanc doctrinam enucleabo. [p. 136]
RkJQdWJsaXNoZXIy MjI2Mw==