142 prodromus reginae artium – pars i Omalum detestabile et nulla poena non dignum! Hoc ne supremus ille actionum nostrarum Censor dissimulat? hoc impunitum relinquit? Atqui non unius penetravit aures illa poena, qua alicubi chorearum ductores aequec Deus amantissimus afflixit. Ducebant homines [p. 53] impientissimi choreas, idque in loco divinis rebus consecrato, neque impuras voces et cantilenas popinarum purissimis Ecclesiae cantibus immiscere verebantur; neque Deum metuebant, cuius in praesentia, ut olim circa vitulum conflatum Hebraei, per mortuorum sepulchra effrenes discurrebant. c in textu erronee: “aequi” Itaque merito zelosissimo vigilantissimi Pastoris insolentissimi Hirci edicto condemnati non minus quam integro unius anni spatio inviti iam illam terram conculcabant, quam per summum nefas nefario saltu ausi erant prophanasse. Ex delicto plane poena sumpta est; delictum delicto punitum. Quodsi tantum potuit unius hominis vox, ut inauditampoenam in sceleratos e caelo attraheret; si tam fuit acceptus acceptatusque unius hominis zelus, ut omnino quod oppugnabat horrendum facinus repentino supplicio plecteretur: quis mihia in Ecclesiamnovamdoctrinam invehet, illamque tamclementem esse matrem dicet, ut nullam censeat esse culpam illam actionem, quae tam liquida, tam severa, tam inaudita poena fuit affecta? a “hic” (II ed.) Sed ne longinquis exemplis id promoveam, quod proximis rationibus possum; perspicite, obsecro vos, dediti saltui mortales, quanto cum vestro emolumento hunc relinquitis. Etenim robur virium, quas illa noxia agitatione profecto rumpitis, vel saltem debilitatis, ubi ab ea abstinueritis vobis integerrimum erit. Non sanitas vacillabit, non opes dispendium patientur, non pudor subibit periculum, non castitas in discrimen conicietur, non denique ulla virtus et quae maximi sit aestimanda, bona aestimatio vestri nominis aliquod naufragium [p. 54] incurret ac tolerabit. Quis enim iustissime nequeat omnium scelerum condemnare illum, qui fuerit choreis addictissimus? quandoquidem saltus tot homicidiorum est origo, luxus amphitheatrum, pater luxuriae, af-
RkJQdWJsaXNoZXIy MjI2Mw==