1096 scripta laudativa Quanquam appellasset rectius oceanum scientiae, ex quo tot flumina fontesque erumpentes sanctam Dei Ecclesiam passim saluberrimis et uberrimis documentis faecundarent; totque philosophorum ac theologorum irrigarent ingenia, ut vix cogitari queat, an aliquis doctrinam suam vel non ex divi Thomae fluentis promanare, vel non eius totam esse fateatur. Hoc ex oceano ingentia illa Soariana [s] flumina41, suavissimi illi Opatoviani latices, dulcissimae illae Philippi Gamachaei aquae42 ortum traxerunt. Hoc ex oceano quidquid ubique et purioris et sanioris doctrinae, tan- quam lymphae contemplamur et delibamus, fluxisse [f.B3r] concedamus necesse est. Sed parum et ego dixi, cum sapientissimum Doctorem oceanum scientiae appellavi. Tuba est hic, tuba illa archangelica, admirabilis, efficax, tremenda. Nam quemadmodum ad fatalis illius tubae vocem inaudito miraculo tam ex Stygia palude, quam ex piacularibus flammis caelestibusque domiciliis hominum omnium animae progredientes in momento corporibus vestientur suis et divino tribunali sistentur43: ita ad vocem Angelici Doctoris nostri, totus excitatus et excitus orbis implet diversa lectoria salutarique doctrina illius reformatus novum assumit hominem et per pium examen iudicium Numinis accedens inquirit in sua sponte delicta, spontanea se mulctat paena et tandem angelus ex homine, Angelico Doctore cooperante, figuratur. Nimium, credo, Eruditissimi Auditores, in hac parte probanda temporis consumpsi videorque mihi Vestram laesisse benevolentiam, exacerbasse humanitatem. Quare propero ad finem, illud 41 Cf. Dalmau Giuseppe, art. Suarez, Francisco (1548-1617): ECat XI, 14511458, ubi inter alia legitur: “il più fecondo dei teologi moderni”; “il Suarez utilizzò ampiamente le opere di S. Tommaso [...]. Delle 6000 e più conclusioni contenute nelle opere del Suarez solo una ventina discordano dal pensiero dell’Angelico”. Cf. etiam: Archutowski Roman, art. Suarez Franciszek, jezuita: PEK 37-38, 192-193, ubi legitur: “... rozwijał myśli św. Tomasza [...], pozostając zwolennikiem św. Tomasza, [...]. 42 Cf. anon., art. Filip z Gamaches (1568-1625): PEK XI-XII, 272, ubi legitur quod “w Sorbonie przez 25 lat Filip komentował dzieła św. Tomasza z Akwinu. [...] Bardzo jest cennym komentarz Filipa na Summam theol. S. Thomae Aq., Paris 1634, 2 vol. i in.” 43 Cf. Mt 24, 30-31; 25, 31-46; 1 Cor 15, 52.
RkJQdWJsaXNoZXIy MjI2Mw==