1053 discursus v. onus leve myrrham primam” [ibid.], nunc livida, carbonibusque nigriora. Olim “manus eius tornatiles aureae, plenae hyacinthis” [ibid., 14], nunc ferreis vinculis colligatae. Olim “venter eius eburneus dis- tinctus sapphiris” [ibid.], nunc totus concisus distinctus plagis. Olim “crura illius columnae marmoreae” [ibid., 15], nunc labant, vacillant, terrae alliduntur. Olim “species eius ut Libani, electus ut Cedri” [ibid.], nunc ceu vermis, opprobrium, abiectio. Olim “totus desiderabilis” [ibid., 16], nunc totus miserabilis. “Non est species ei neque decor, et vidimus eum, et non erat aspectus: et desideravimus eum, despectum, et novissimum virorum, virum dolorum” (Is 53[, 2-3]). Et quem obsecro, quamvis cautibus asperiorem haec sine speciespecies Regis Angelorum et hominum non compungat? cui fluenta lachrymarum ex corde, ex oculis non exprimat? a-a “species ei” (BSV) b add. “lilia” (ibid.) 4. Convertamus deinde figamusque nostrum obtutum in eius immaculatissimam [Ir] Genitricem. Haec teste Bernardo suo “cernens eum oneratum ligno tam grandi, quod primo non viderat, semianimis facta est prae angustia, nec verbum dicere potuit” (med. c. 77)70. Et nos risu scilicet tam triste spectaculum excipiemus? Ah pereant oculi, si nolunt tragicam baiulationem Crucis udi spectare! Fluminibus Babyloniis affudisse et miscuisse suas lachrymas Hebraeos pagina sacra luculentissime testatur, cum in ripis illorum considentes recordarentur Sionis charissimae. De his lachrymis disertissime apud psaltem infelices exules loquuntur: “Super flumina Babylonis illic sedimus, et flevimus, cum recordaremur Sion” (Ps 136[, 1]). Recordatio Patriae fletum captivis elicuit; nobis non eliciet aspectus caelestis Patriae Patris, Servatoris, Redemptorisque nostri? qui Crucem suam ferens ex nostris peccatis erectam 70 Textum s. Bernardi hic allegatum invenire non potui, imprimis quia eius opus “Meditationes” in AMS solummodo 17 capita habet (70 in editione ex anno 1535), ac proinde citatio “med. c. 77” est erronea vel ad ignotam nobis editionem pertinet. Sed etiam in aliis operibus s. Bernardi hunc textum non inveni secundum indicationes in Indice generali Rerum et Verborum datas.
RkJQdWJsaXNoZXIy MjI2Mw==