1042 christus patiens titum paludamento, diademate gemmis corusco redimitum, sceptroque potenti inserto dexterae conspicuum. Aquilam Sarmaticam ensemque illi praelatum vidimus, et undique admirabili pompa conspeximus circumfusum. Laetitia porro tanta spectantium Procerum, populique tripudiantis erat, quam intra pectoris claustra continere non valentes in plenissimas acclamationes sexcenties erumpebant: Vivat Rex, vivat, vivat51. Recolamus vero hoc exiguo temporis spatio ad id nobis a Divina Providentia concesso immortalis Regis coronationem, in regia Iudaeae Metropoli ante mille sexcentos et triginta aliquot annos peractam. Eheu! qua verborum copia, qua dictionis amplitudine, illam vobis proponam? cuius ad spectaculum prae stuporis ad una doloris magnitudine vox, et vita, deberet omnino interrumpi. Aptatis tamen utcunque viribus licet tenuissimis, et intra tacitae pietatis limina [F3v] concluso dolore, qua potero, tam industria, quam devotione, coeptum orationis filum praetexere conabor: totam huius crudelissimi spectaculi, pompaeque ignominiosissimae, et gravissimi cruciatus Augusti nostri, causam in delicta nos- tra coniecturus. 1. Postquam Princeps ille pacis, Christus Dominus immanissime flagellis caesus fuisset, nondum exsatiata rabie Rabbinorum, “milites [...] duxerunt eum in atrium Praetorii, et convocant totam cohortem, et induunt eum purpura, et imponunt ei plectentes spineam coronam” etc. (Mc 15[,16-17]). Meministis optime, quae capita Actionis in Iesum Synagogae principes habuere apud iniquissimum Praetorem Pilatum: “Hunc invenimus”, dicebanta, “subvertentem gentem nostram, et prohibentem tributa dare Caesari, et dicentem se Christum Regem 51 Agitur de coronatione Regis Michaelis (1669-1673), quae locum Cracoviae habuit die 29 Septembris 1669. Utique, auctor hic Regem non nominat, sed est certum quod agitur de hoc et non de alio Rege Poloniae, quia CP scriptum est ante annum 1671 (cf. supra, p. III) et certio certius auctor coronationi Regis Ioannis Casimiri (1648-1668) adstare non potuit. Ex alia parte scimus quod is Varsavia Cracoviam circa medietatem Septembris 1669 se contulit et quod erat valde contentus ex electione Michaelis Wiśniowiecki in Regem Poloniae, proinde non mirandum est quod occasione suae commorationis Cracoviae eius coronationi interfuit. Cf. Positio, pp. 115. 147. 275. 578, no. 10.
RkJQdWJsaXNoZXIy MjI2Mw==