1028 christus patiens Theseus alter28, memor ad mensam datae fidei, ut verba factis firmaret, amantissimi Praeceptoris tuendi ardentissimus educit vagina mucronem hostes ferro disiecturus. Invadit ergo Malchum viciniorem (servus erat Pontificis), ferit aurem divinae doctrinae contemptricem; sistit audaciam irruentium reliquorum. Laudatam existimatis a Iesu Christo fuisse hanc sui defensionem? Quin severius defensorem quasi importunum intuitus: “Mitte”, dicebat, “gladium tuum in vaginam tuamb. Calicem, quem dedit mihi Pater, non cvis utc bibam illum? “[Io 18, 11]. b om. “tuam” (ibid.) c-c om. “vis ut” (BSV) Cum haec dicentem caelestem Regem audio subit mihi mentem heroicum Vladislai Tertii Iagiellonidae facinus, et Poloniae et Hungariae Regis fortissimi29, Dominico huic adumbrando con- venientissimum. Vladislaus ergo et suasu et authoritate Romani Pontificis, cui parere ducebat sanctissimum, posthabito faedere cum Turcis pacto, bellum Europam [C4r] diripientibus iterato obtulit et intulit. Multa recepit, regna etiam recuperavit integra, acie vicit aliquoties. Tandem ipse universis viribus accinctus totius Orientis Imperator mercatorum Christianorum, pro pudor! (parco nationi) navigiis mari transmisso, iam in faucibus Caucasi cum victoriosissimo exercitu in Asiam tendentem Valdislaum stitit. Hic acerrime pugnatum: caesi hostes et in fugam effusissimam equites omnes coniecti: soli pedites Imperatorem (et hic erat tum flos militiae Turcicae, quos Ianizeros vocamus, iam nunc validissime propagatus) tuebantur. Hos etiam dissipaturus Vladislaus generosissimo spiritu invadebat, cum praesentissimum Regis periculum Ioannes Huniades hungaricae militiae polemarchus attendens, multis eum, ut se ad castra reciperet, obtestabatur. Ille 28 Ratio comparandi Apostolum Petrum ob suum impetum in Malchum cum hac persona fabulosa invenitur probabiliter in facto quod Theseus “è un generoso giustiziere, un distruttore di mostri e di giganti crudeli, un uccisore di ladroni e assassini” (News Times: Grande Enciclopedia Universale 18, 1043). Cf. Parandowski, op. cit., pp. 193-200. 29 Vladislaus III Iagiellonida (1424-1444), Rex Poloniae ab anno 1434 et etiam Rex Hungariae ab anno 1440.
RkJQdWJsaXNoZXIy MjI2Mw==