-82Iosepho a Iesu Maria pro tunc Praeposito Congregationis ad Reverendissimum Generalem Commissarium totius Seraphici Ordinis S. P. Francisci pro obtinendo Admodum Reverendo Patre Commissario ex Provincia Reformata Maioris Poloniae in lume modum... [223-224 sequuntur diversae litterae]. Litterae Innotescentiales [Prot.Ord.224] Tandem sequuntur Litterae Innotescentiales Admodum Reverendi Patris Commissarii et Visitatori Generalis ad totam Congregationem in hunc modum. Fr Rochus Chelchowski Ordinis Minorum S. P. N. Francisci Reformatorum Almae Provinciae S. Antonii Paduam in Majori Poloniae Difinitor Actualis et S. T. Lector, nec non huius Congregationis Marianae Immaculatae Conceptionis Commissarius Visitator Generalis et Servus. Quemadmodum Deus etiam natu Minimum Isai Filium ab ovium grege ad Regni solium prae caeteris Filiis praeelegerat, ita nunc Reverendissimus Crescentius Kris per in Cismontana Familia Commissarius Generalis Superior Noster Colendissimus, me minimum meritorum tuto respectu Confra tram meorum, tantoque honori et oneri imparem ac imbecillem in locum suae pastoralis sollicitudinis vocare voluit, dum me suum Delegatum ad canonice visitandam lustrandamque hanc Marianam Congregationem per suas patentes litteras 10 Martii Anni praesentis scilicet 1731, Romae ex Aracaeli datas. Quarum tenor est talis. Nostri muneris ratio exposcit etc. etc. praeelegit et Commissarium Visitatorem substituit et constituit. Quam visitationem ex oboedientiae suae merito in obsequium huius Marianae Congregationis. Eamque quibus de iure notum facio praesentibus meis litteris. Et quoniam ad haec desideria assequenda praenecessaria est regularis observantiae claustralis disciplina, Regulae rigor, Constitutionum vigor, a Decretorum Summorum Pontificum conservatio animorum unitas, conscientiae puritas, fraternae charitatis juvamen, in conventibus assidua sedulitas et devotio. Ideo RR. PP. Praesidentibus recommendo, ut revocent [225] omnes suos Patres et Fratres ad conventus suos, ut possim omnes videre et alloqui ad faciem sub poenis ab Innocentio XI latis. Itaque Patres et Fratres Desideratissimi vestras in hoc gravi negotio pertractando expostulo preces, tam consuetas in choro post Matutinum et Vesperas de Spiritu Sancto quam alias particulares. Quatenus pro felici agendorum successu et progressu ne succubat haec Congregatio mei et huius Congregationis memores sitis in extirpandis vitiis et promovendis virtutibus et propaganda institutione per promovendam doctrinam asceticam quam scholasticam. Ego etiam non parcam viribus meis in vestrum impendendis obsequium. Abstineant etiam a vitiosa divagatione et ambitu officiorum ac dignitatum. Cum nemo summat honorem, sed qui vocatur a Deo tanquam Aaron zelent etiam omnes pro tuenda, augenda et
RkJQdWJsaXNoZXIy MjI2Mw==