-61CAPITULUM GENERALE SEPTIMUM in CONVENTU EREMI CORABIEVIENSIS a. 1725 [Prot.Ord.206] Caput 5*“" in quo celebratur Capitulum et electio novi Praepositi post obtentam approbationem Statutorum a Sancta Sede Apostolica, et exemptionem a directione Loci Ordinarii atque approbationem confirmationemque incorporationis, et subiectionis Ordini Seraphico Sancti Patris Francisci. Litterae Innotescentiales [Prot.Ord.207] Patentes Litterae Admodum Reverendo Patri Iacobo Wolscio Commissario Nostro a Reverendissimo Ministro Generali Frater Laurentius a S. Laurentio Lector Iubilatus Sacrae Congregationis Indicis Consultor Universalis Inquisitionis Qualificator Examinator Cleri Romani Sacri Montis Sion ex Guardianus et totius Ordinis S. P. Francisci Minister Generalis et Servus. Dilecto Nobis in Christo Reverendo Patri Fratri Iacobo Wolscio Provinciae Nostrae Reformatae Majoris Poloniae Lectore Theologo Exministro Provinciali Salutem et Seraphicam benedictionem. Pastoralis Nostri muneris vigilantiam eam inter alias nobis curam ingerit solicitam, ut in Provinciarum, Custodiarum, Congregationum Visitatoribus suis temporibus deputandis, speciale studium adhibeamus. Propterea cum absoluto ferme triennio R. P. Praepositi Congregationis Nostrae Immaculatae Conceptionis in Regno Polonice Capitulum celebrandum pro successore, caeterisque Superioribus et Officialibus rite et canonice eligendis immineat, Nos te de cuius vitae integritate, doctrina, zelo et prudentia certi sumus, dictae Congregationis Commissarium Visitatorem instituere decrevimus, prout his nostris patentibus ut Sanctae Oboedientiae merito institutum et destinatum declaramus, vices Nostras Nostramque omnem Auctoritatem ad eiusmodi opus implendum necessariam Tibi committentes, quatenus cum Secretario Socioque tibi viso singulos eiusdem conventus, Ecclesias et Fratres, visitare, et in sancta vocatione nuper suscepta constabilire, errantes vero paterne corrigere, ac si necesse fuerit processus etiam formare; carceribus mancipare, sententias ferre, et omnia denique ad consolidationem rectumque Ordinem Congregationis istius pertinentia, ad normam peculiarum statutorum eius nuper a Sancta Sede approbatorum disponere ac promovere possis ac valeas. Visitatione autem rite peracta Nostras quoque vices praesentium vigore, Tibi committimus ad convocandum celebrandumque Capitulum convocatis Vocalibus omnibus die et loco vobis bene visto, ad electiones canonice peragendas, concedentes
RkJQdWJsaXNoZXIy MjI2Mw==